රටින් ප්රතික්ෂේප වී ඇති හිපෝ ස්පිරිට් නැවේ පොහොර තොගයේ කිසිම සාම්පලයක් නැවත පරීක්ෂා කර රට ඇතුළට ගැනීමේ කිසිම සූදානමක් නැති බව මෙන්ම අපේ ප්රමිතියට අනුව සකස් කළ වෙනත් පොහොර තොගයක් කුමණ ජාත්යාන්තර ආයතනයකින් පරීක්ෂාකර ලංකාවට එවනු ලැබුවත් පැලෑටි නිරෝධායන ආයතනයේ සිදුකරන පරීක්ෂණයකින් මිස රට ඇතුළට නොගන්නා බව කෘෂිකර්ම අධ්යක්ෂ ජනරාල් ආචාර්ය අජන්ත ද සිල්වා ලංකාසරට පැවසීය.
ඔහු මේ බව ප්රකාශ කලේ මේ වනවිට මේ පොහොර නැව චීනයට නොගොස් නැවත වෙනත් නෞකාවක් සේ වෙනත් පාර්ශවයකින් පරීක්ෂා කර රට තුළට එනු ඇතැයි සමාජයේ ඇතිවී තිබෙන කථිකාව හේතුවෙනි.
“අපේ රටේ පසට පරිසරයට මේ පොලොවට වගකියන්නේ අපි. අපි ජාත්යන්තර ශාක ආරක්ෂණ සම්මුතියට අත්සන් කළ ජාතීන් 184න් එක් රටක්. එම සම්මුතියට බැඳුණු සාමාජිකයෙක්. ජාතික ශාඛ නිරෝධායන ආයතනය හරහා තමයි අපි ඔවුන්ට සම්බන්ධ වෙන්නෙ.
අපට තියනවා ජාත්යාන්තරව පිළිගත් පදනමක්. ඒ නිසා අලුත් කාබනික පොහොර සාම්පලයක් ලෝකයේ කුමන ප්රමිතිගත ආයතනයක පරීක්ෂා කරලා ඒ වාර්තා සමග රටට එව්වත් ශාක නිරෝධායන ආයතනයේ කරන පරීක්ෂණයන්ගෙන් සමත් වුනොත් විතරයි රට ඇතුළට ගන්නේ..“
කෘෂිකර්ම අධ්යක්ෂ ජනරාල් ආචාර්ය අජන්ත ද සිල්වා පැවසීය.
