නවසීලන්තයේ 2022 විවාහක රූ රැජන ලෙස කිරුළු පලන් ශ්රී ලාංකික රූමතිය වූ නිමක්ෂි සවීන්ද්රි රණතුංග සිය කිරුළ ලබා ගත් මොහොතේ සිට ඇය සම්බන්ධ මඩ ප්රහාර සහිත නිර්ණාමික දුරකථන ඇමතුම් සහ ව්යාජ ෆේස් බුක් සටහන් ලැබෙන්නට පටන් අරන් ඇතැයි එම තරග සංවිධාකයින් ඇයට දැනුම් දී තිබේ.
ශ්රී ලාංකික ප්රජාවේ මේ හැසිරීම කුමක් දැයි එම තරග සංවිධාකයින් ඇයගෙන් කළකිරීම් සහිතව ප්රශන් කළ බව ඇය සිය ෆේස් බුක් ගිනුමේ සටහනක් තබමින් දන්වා ඇත.
ඇය ඉල්ලා සිටින්නේ මේ ජයග්රහණය සිය පුද්ගලික ජයග්රහණයකට ලඝු නොකර ශ්රී ලංකාව ලද ජයග්රහණයක් ලෙස කල්පනා කරන ලෙසත් විදේශයක දී ශ්රී ලාංකික ප්රජාව මේ ආකාරයෙන් අපහසුතාවයට ලක් නොකරන ලෙසත් ඇය සිය ෆේස් බුක් ගිනුමේ සටහනක් තබා ඉල්ලිමක් කර තිබේ.
එම ෆේස් බුක් සටහන පහත දැක්වේ.
ආදරණීය ඔබගෙන් කරන කාරුණික ඉල්ලීමයි..
ඉස්සෙල්ලම කියන්න ඕනි මේ කියන දේ තවමත් මා වෙනුවෙන් මගේ ජයග්රහණයන් වෙනුවෙන් සතුටු වෙන ඔබ ඉදිරියට කිසිසේත් ම ගේන්න බලාපොරොත්තුවක් තිබුණේ නෑ.
ඒත් දිගින් දිගටම මේ වෙන දේවල් නිසා මා මගේ මව් රට නිසා පත්වන අපහසුතාවය දරා ගැනීමට තව දුරටත් නොහැකි නිසා මෙය මෙසේ ලිවීමට තීරණය කළා.
මාගේ තරඟයේ අවසන් දවසේ ද කිසිවකු විසින් සංවිධායක මණ්ඩලයට යොමු කරන ලද විද්යුත් ලිපියක් නිසා ද මා දැඩි අපහසුතාවයට ලක් වුණා. ඔවුන් මගෙන් ඇසුවේ එකම දෙයයි. ඔයාලගෙ කමියුනිටි එකේ අය ඇයි මෙහෙම කරන්නෙ කියලා .
මේ කිසි දෙයක් මම ප්රසිද්ධියේ කතා කරන්න බලාපොරොත්තු වුණේ නෑ. ඒත් දිගින් දිගටම ජාතික සංගමයේ සභාපතිනිය වෙත ෆේක් අකවුන්ට් වලින් යොමු කර මා ලබා ගත් ජයග්රහණය සහ මා ගැන සැක සහිත ලෙස තොරතුරු විමසීම ගැන ඇය මා දැනුවත් කළා. දිගින් දිගටම වෙනස් ගිණුම් වලින් මෙය සිදු කිරීම නිසා ඇය මගෙන් ඇසුවේ ඔයාලගෙ අය ඇයි මෙහෙම කරන්නෙ කියලා .
මේ කරන කෙනා හෝ කරන අයව මම දන්නෙ නෑ. ඒත් මම හිතනවා මා ගැන හොයන බලන නිසා මගේ ගිණුමේ ඒ අය ඇති කියලා .
මම ඔබෙන් කාරුණිකව ඉල්ලන්නේ එක ම එක දෙයයි. මගේ සමඟ කුමක් හෝ ඔබට තියෙන ගැටලුවක් හෝ කෝන්තරයක් තිබේ නම් එය මා සමඟ හෝ මගෙන් විසඳාගන්න.
මා ලබා ගත් ජයග්රහණය එය හුදෙක් මා හට පමණක් නොව එය ඔබ සියලු දෙනාගේම ජයග්රහණයක්. ශ්රී ලාංකිකයින් ලෙස අප අපේ මව් රට පිටරැටියන් ඉදිරියේ අසරණ නොකර සිටිමු. ආදරයෙන් කරුණාවෙන් ඉල්ලා සිටින එකම දෙය ඔබෙන්
ස්තූතිය !
