මනම්පිටිය නිමල් ජයරත්න –
සීමාසහිත ඇලහැර විවිධ සේවා සමුපකාර සමිතිය සඳහා සභාපතිවරයකු, මෙන්ම අධ්යක්ෂ මණ්ඩලයට දේශපාලන බලපෑම් අනුව නිලධාරීන් තිදෙනෙකු පත් කිරීමට එරෙහිව, ඇලහැර සමුපකාර ව්යාපාරයේ සේවකයන් මෙන්ම පොළොන්නරුව දිස්ත්රික්කයේ විවිධ සේවා සමුපකාර සමිතිවල සභාපතිවරුන් එක්ව බක්මූන නගරයේ ප්රධාන සමුපකාර කාර්යාලය ඉදිරිපිට අද (07) සිව්වැනි දිනයටත් විරෝධතාවයක් දක්වමින් සිටිති.
පොළොන්නරුව දිස්ත්රික් පාර්ලිමේන්තු මන්ත්රී,, අමරකීර්ති අතුකෝරල විසින් දේශපාලන බලය උපයෝගී කරගෙන මෙම නව අධ්යක්ෂ මණ්ඩලයට නිලධාරීන් තිදෙනෙකු පත්කර, එම නිලධාරීන් තිදෙනාගේ සහාය අනුව සමුපකාර සමිතියේ විවිධ චෝදනා ලැබ සිටින සභාපතිවරයෙකු පත් කිරීමට එරෙහිව තමන් අඛණ්ඩව මෙම විරෝධතාවය සිදුකරන බව විරෝධතාකරුවෝ සඳහන් කළහ.
මෙම විරෝධතා ව්යාපාරය සඳහා මින්නේරිය ආසනයේ පොදුජන භික්ෂු ොපෙරමුණේ සභාපති, ඇලහැර සුරැකීමේ සංවිධානයේ සභාපති, ඉඳුරුවේ අස්සජි නාහිමි එක්ව සිටිති.
පොලොන්නරුව දිස්ත්රික් සමුපකාර මණ්ඩලයේ සභාපති උපුල් අලහකෝන්, සමුපකාර බර වැඩ සංගමයේ සභාපති විශ්රාමලත් සහකාර කොමසාරිස් චාමින්ද ධර්මතිලක, පලුගස්දමන විවිධ සේවා සමිතියේ සභාපති ටී. ජී. වීරතුංග , කවුඩුල්ල විවිධ සේවා සමුපකාර සමිතිය සභාපති සරත් පතිරනගේ, ඇතුළු දිස්ත්රික්ක සමුපකාර සභාපතිවරුන් කිහිපදෙනෙක් මෙන්ම සමුපකාර ව්යාපාරයේ සාමාජිකයින් රැසක් සහය පළකරමින් වාඩි වී සිටිති.
ඔවුන් ඉල්ලා සිටින්නේ, සමුපකාරය සඳහා දේශපාලන අතපෙවීම් සිදු නොකරන ලෙසත්, අමරකීර්ති අතුකෝරල විසින් අත්තනෝමතිකව ඇලහැර සමූපකාර අධ්යක්ෂ මණ්ඩලයට පත් කරන ලද එම නිල නිලධාරීන් තිදෙනා වහාම ඉවත් කරන ලෙසත්, ඔවුන්ගේ සහයෝගයෙන් පත්වූ සභාපති ඉවත් කර හිටපු සභාපතිවරයා පත්කරන ලෙසත්ය.
විරෝධතාකරුවන් නගන චෝදනාව පිළිබඳ අප පොළොන්නරුව දිස්ත්රික් පාර්ලිමේන්තු මන්ත්රී අමරකීර්ති අතුකෝරළගෙන් දුරකථනයෙන් කළ විමසීමකදී ඔහු දැක්වූයේ මෙවන් අදහසකි. ;
“ඔය සමුපකාරයෙ හිටපු සභාපති ඔය විරෝධතා විරෝධතාකරුවන් එලවා දැම්මා. එයා ලොකු කැපවීමක් කළ මනුස්සයෙක්. එහෙම එලවන්න බෑ. ආණ්ඩුකාරවරයා අධ්යක්ෂ මණ්ඩලයට තුන්දෙනෙක් පත් කරලා තිබෙනවා. ඉතින් දැන් ඉන්න සභාපති ගේ බහුතරය වැඩියි. ඒ නිසයි එයා පත්වෙලා තියෙන්නෙ.“
