දුම්වැටියේ මිල රුපියල් 5න් ඉහළ යාම හේතුවෙන් පැයකට අලෙවි වන දුම්වැටි 3000ක් නතර කර ගැනීමට හැකිවනු ඇතැයි දුම්වැටි හා මධ්යසාර පිළිබද ජාතික අධිකාරිය සඳහන් කරයි.
මේ අනුව දිනකට අලෙවි වන දුම්වැටි 70000ක් හා මසකට අලෙවිවන දුම්වැටි මිලියන 3ක ප්රමාණයක් මිල වැඩිවීම හරහා නතර වනු ඇතැයි අධිකාරියේ සභාපති වෛද්ය සමාධි රාජපක්ෂ කියයි. මේ අනුව මිලියන 25කින් දුම්වැටි අලෙවිය වසර 2022දී අඩුවන බව ද පෙන්වාදේ.
සිගරැට්ටවක මිල තීරණය කිරීම සඳහා මිල සූත්රයක් හදුන්වා දුන් අතර එම මිල සූත්රයට අනුව වසර 2022දී එක සිගරැට්ටුවක මිල රුපියල් 5න් ඉහළ යා යුතු බව පෙන්වා දුන් බවද ඔහු පැවසීය.
මෙවර අයවැය මගින් සිගරැට්ටුවක මිල රුපියල් 5න් ඉහළ දැමූ බැවින් එම වැඩිවූ රුපියල් 5ක මුදල සෘජුව රටේ බදු ආදායමට එකතු වනු ඇතැයිද පැවසේ. මේ අනුව. ඉදිරි අවුරුදු 5තුළ දුම්වැටියක මිල රුපියල් 100කට ආසන්න වනු ඇතැයි ද ඒ අනුවන . ලබන වසරේදී සිගරැට්වලින් රුපියල් බිලියන 8ක මුදලක් බදු ආදායමක් ලෙස බලාපොරොත්තු වෙන බවද වෛද්ය රාජපක්ෂ සදහන් කළේය.
දුම්වැටි ඉරීම හේතුවෙන් දිනකට පුද්ගලයින් 60 දෙනෙකු මිය යන අතර බදු වැඩි කිරිමත් සමග දුම්වැටි අලෙවිය සියය 1.1ක් අඩුවෙන බවද ඔහු පෙන්වාදේ.
එපමණක් නොව එක සිගරැට්ටුවක් ඉරීමෙන් මිනිස් ජීවිතය මිනිතුත් 11කින් පිළිස්සෙන බවත් . දිනකට සිගරැට් 3000ක් අලෙවිය නතර වීමෙන් දින 2ට වරක් අවුරුදු 70ක් වූ පුද්ගලගලයෙකුගේ ජීවිතයක් බේරා ගැනීමට හැකිවනු ඇති බවත් ඔහු අනාවරණය කරයි.
දුම්වැටි අලෙවිය අවම වීම තුළ වසර 2022දී සිගරැට් බීමෙන් අකාලයේ මිය යන පුද්ගලයන් 180ක් දෙනෙකුගේ ජීවිත බේරා ගැනීමට හැකිවනු ඇතැයිද පැවසේ.
දුම්වැටිවල මිල ඉහළ ගොස් ඇත්තේ වසර 3ට පසුව වන අතර මත්පැන්වල මිල ඉහළ ගොස් ඇත්තේ වසර 2ට වරක් හෙයින් රජයේ සෘජු ආදායමක් ලෙස බිලියන 25ක මුදලක් මත්වතුරෙන් බලාපොරොත්තු විය හැකි බවද හෙතෙම පෙන්වාදේ.
