තුෂාරී කළුබෝවිල –
පහළ වායුගෝලයේ කැළඹිලි ස්වභාවයක් හේතුවෙන් දිවයිනේ ප්රදේශ රැසකට වැසි ඇතිවන බව කාලගුණ විද්යා දෙපාර්තමේන්තුව අනතුරු අඟවයි.
ඒ අනුව කලුතර, මහනුවර, මාතලේ, රත්නපුර දිස්ත්රික්කවලට මිලිමීටර් 100 ඉක්මවූ වැසි ඇති වන බව ඔවුහූ පවසති.
ගොඩනැගිලි පර්යේෂණ ආයතනය විසින් දැනටමත් බුලත්සිංහල, උඩුදුම්බර, අඹන්ගඟ කෝරළේ හා අයගම යන ප්රදේශවලට නායයාම් අනතුරු ඇඟවීම් නිවේදන නිකුත් කර තිබේ.
මේ අතර කළු, කැලණි, නිල්වලා, මහවැලි යන ගංගා මෙන් ම අත්තනගලු ඔය ආශ්රිත පහත් බිම්වල ජල ගැලීම් ඇති විය හැකි බැවින් විමසිලිමත් ව කටයුතු කරන ලෙස වාරිමාර්ග දෙපාර්තමේන්තුව ජනතාවට අවධාරණය කරයි.
