මේ වසරේ සිංහල අලුත් අවුරුද්දෙන් පසු විශේෂ දළදා ප්රදර්ශනයක් පැවැත්වීම සඳහා ජනාධිපති අනුර කුමාර දිසානායක විසින් අද (23) මහානායකවරුන්ගෙන් කළ ඉල්ලීමට උන්වහන්සේලා ගේ අනුමැතිය හිමි වී තිබේ.
ඒ අනුව අප්රේල් 18 – 28 දින දහය තුළ එම දළදා ප්රදර්ශනය පැවැත්වීමට කටයුතු කරනු ඇති බවට දින නියම වී ඇතැයි මල්වතු අස්ගිරි මහා විහාර ආරංචි මාර්ග තහවුරු කළේය.
ජනාධිපති අනුර කුමාර දිසානායක අද (23) මහා නායක හිමිවරු හමුවී සිදුකළ දීර්ඝ සාකච්ඡාවකින් අනතුරුව ජනාධිපතිවරයා කළ ඉල්ලීමට මහා නායක හිමිවරුන්ගේ අවසරය ලැබෙන්නේ පුරා වසර 16ක් තුළ දළදා ප්රදර්ශනයක් පවත්වා නැති බැවින් බව පැවසේ.
මේ රටේ අවසන් වරට විශේෂ දළදා ප්රදර්ශනයක් පවත්වනු ලැබුවේ 2009 මාර්තු මස 06 වැනිදා ය. එනම් මීට අවරුදු 16කට පෙරය.
මින් පෙර එනම් 2022 දෙසැම්බර් මස 17 වැනිදා 75 වැනි නිදහස් දිනයට සමගාමීව රනිල් වික්රමසිංහයේ රජය යටතේ අගමැති දිනේෂ් ගුණවර්ධන දළදා ප්රදර්ශනයක් සඳහා මහා නායකවරුන්ගෙන් අවසර ඉල්ලා සිටිය ද එම ඉල්ලීම සඳහා මල්වතු – අස්ගිරි කාරක සංඝ සභාව තුල බහුතරයකගේ දැඩි විරෝධයක් මතු වී එම ඉල්ලීම ප්රතික්ෂේප වුනේය.
