දිවයිනේ සියලුම පාසල් හෙට විවෘත කිරීමට සැලසුම් කර ඇතත් මේ සම්බන්ධව අදාල නිශ්චිත තීන්දු ගැනීමට පළාත් සහ දිස්ත්රික් බලධාරීන්ට බලය පවරා ඇතැයි අධ්යාප උසස් අධ්යාපන හා වෘත්තීය අධ්යාපන ඇමති ආචාර්ය හරිනි අමරසූරිය පැවසුවාය.
නුවරඑළිය පාසල් ආරම්භ කිරීම සම්බන්ධ සාකච්ඡාවකට එක් වෙමින් අධ්යාපන ඇමතිවරිය ප්රකාශ කළේ 16 වැනිදා සියලුම පාසල් කෙසේ හෝ විවෘත කරන ලෙස රජය කිසිසේත් ප්රකාශ කර නැතැයි නැති බවය.
චක්රලේඛ හෝ විධිවිධාන තුළ සිර නොවී හැකි උපරිම මට්ටමින් දරුවන්ගේ යහපත වෙනුවෙන් කටයුතු කරන ලෙසත්, ඉල්ලා සිටි අමාත්යවරිය ඉල්ලා සිටියේ පාසල් එන දරුවන්ගේ හෝ රාජකාරියට වාර්තා කරන ගුරුවරුන්ගේ ඇඳුම පිළිබඳව හෝ සීමා නොපනවන ලෙසය.
“ ප්රාදේශීය පවතින තත්ත්වයන්, වෙනස්වන තත්ත්වයන් මත සලකා බලා තීන්දු තීරණ ඔබට ගන්න පුලුවන්. එතනදි මම ඉල්ලා සිටිනවා දරුවන්ගේ ආරක්ෂාව, ගුරුවරුන්ගේ ආරක්ෂාව විදුහල්පතිවරුන්ගේ ආරක්ෂාව ප්රමුඛ කරගන්න ඔබේ තීන්දුව ගන්නකොට.”
“ දරුවන් වෙනුවෙන් ගන්න පුලුවන් හොඳම තීරණය මේකද කියන එක මත ඉඳගෙන පාසල අරිවද නැද්ද කියන තීරණය ගන්න ඕන.”
“ එතනදි MBRO රිපෝට් එකට අමතරව ප්රවේශය ප්රවාහනය යටි තල පහසුකම් මේ සියල්ල ගැන හිතන්න. අපට ඔබේ තීරණය දෙන්න. 16 වැනිදා විවෘත කරන පාසල් ඉන් අනතුරුව විවෘත කරන පාසල් සම්බන්ධව පළාත් මට්ටමින් ප්රාදේශීය මට්ටමින් තීන්දු තීරණ ගැනීමේ සම්පූර්ණ බලය අප ඔබට ලබා දීලා තියනවා.”
“ පාසල් යන එක අධ්යාපනය කියන එක බරක් වෙන්න බෑ මේ අවස්ථාවේ දරුවන්ට, දෙමව්පියන්ට හෝ ගුරුවරුන්ට. ඒ හින්දා තමයි අපි යෝජනා කරලා තියෙන්නේ වාර විභාග ප්රමුඛ නෑ මේ වෙලාවෙදි. සිලබස් එක ඒ ටු ඉසෙඩ් කවර් කරන්න ඕන කියන එක නෙමෙයි මේ වෙලාවේ ප්රමුඛතාවය. අපි යෝජනා කරලා තියනවා මේ දිනවල ළමයින්ගේ මානසික සුවය, මනෝ සමාජීය යහ පැවැත්ම වෙනුවෙන් ප්රමුඛතාවය දෙන්න.
මේ වෙලාවේ 2026 විභාගවලට මුහුණ දෙන්න ඉන්න ශිෂ්ය කණ්ඩායම්වලට විශේෂ අවධානයක් දෙන්න කියන එකත් අපි යෝජනා කරනවා. පෝෂණ වැඩසටහන්වලට අවධානය දෙන්න. ඊට අවශ්ය මුදල් ප්රතිපාදන ඕන නම් විශේෂ මැදිහත්වීමක් කරලා ඒකට අපි මැදිහත් වෙමු.
ගුරුවරුන්ට අපි අනිවාර්ය කරලා නෑ ඇඳුම. දරුවන්ටත් අපි කියනවා අනිවාර්ය නෑ. අවතැන් වෙලා නම් ඇඳුම් නැති වෙලා නම්, උපකරණ නැතිවෙලා නම් ඒක බාධාවක් කරගන්න එපා පාසලට එන්න.
ලඟම පාසලට දරුවෙක්ව අනුයුක්ත කරන්න පුලුවන් නම් ඒක කරන්න. ප්රවාහන අපහසුකම් තියනවා නම් හොස්ටල් පහසුකම් සපයන්න. පුලුවන් තරම් නම්ය ශීලී වෙන්න.
සර්කියුලර්වලට අරකට මේකට හිරවෙන්න ඕන නෑ. අපි මේ වෙලාවේ ප්රමුඛ කරගන්න ඕන දරුවගේ යහපත…”
අගමැතිවරිය පැවසුවාය.
