දිනසේන රතුගමගේ –
ඉලංකෙයි තමිල් අරුසු කච්චි පක්ෂය ( ITAK ) සඳහා මහ ලේකම්වරයෙකු තෝරා ගැනීම පිණිස පැවති සාකච්ඡා හතරක්ම විවිධ මත භේද නිසා කඩා වැටීම හේතුවෙන් පක්ෂ මහලේකම්වරයෙක් තෝරා ගැනීම සඳහා ඊයේ (13) පැවති පස්වෙනි සාකච්ඡාව ද බිඳවැටී ඇතැයි වාර්තා වේ.
මහ ලේකම්වරයෙකු පත් කර ගැනීම් පිණිස පස්වෙනි වරටත් වවුනියාවේදී සකච්ඡාවක් පැවති අතර එම සාකච්ඡාවේදීද ස්ථිර තීරණයකට එලඹීමට නොහැකි අන්දමට පක්ෂයේ පිරිස අතර මතභේද හටගෙන තිබේ.
දැනට එම පක්ෂයේ වැඩ බලන මහ ලේකම්වරයා වශයෙන් වෛද්ය පී. සත්යලිංගම් කටයුතු කරණ අතර මේ වනවිට දැඩි ලෙස රෝගාතුරව පසුවන නිසා පක්ෂ මහලේකම්වරයෙක් පත් කරගන්නා ලෙස ඔහු ද දැනුම් දී ඇත.
ඉලංකෙයි තමිල් අරුසු කච්චි පක්ෂයේ නායක එස්. ශ්රීධරන් මන්ත්රීවරයා ජනාධිපතිවරණ සමයේ සිටම ජනාධිපති අපේක්ෂක බී.අරියනේත්රම් ට පූර්ණ සහය පල කිරීමත් සමගම සුමන්තිරන් මන්ත්රීවරයා ඇතුලුව පක්ෂයේ කීප දෙනෙකුම ඔහුට එරෙහිව කටයුතු කරන්නට පටන් ගත්තේය.නිසා පක්ෂය තුළ විශාල අර්බූදයක් නිර්මාණය වුණි.
ජනාධිපතිවරණයේදී සජිත් ප්රේමදාසට සහය පල කිරීමට ඉලංකෙයි තමිල් අරුසු කච්චි පක්ෂය වෙනුවෙන් සුමන්තිරන් මන්ත්රීවරයා පෙරමුණ ගන්නා ලද නමුත් එම පක්ෂයේ නායක එස්.ශ්රීධරන් මන්ත්රීවරයා එම යෝජනාවට අකැමති වී ඔහු අරියනේත්රම්ටම සහය දැක්වීමට තීරණය කළේය.
මහමැතිවරණය සදහාද අරියනේත්රම්ගේ සන්ධානයේ හක්ගෙඩිය ලකුණින් අපේක්ෂකයින් ඉදිරිපත් වී සිටන අතර එස්.ශ්රීධරන් මන්ත්රීවරයා මෙවර මහමැතිවරණයේදීද හක් ගෙඩිය ජයග්රහණය කරවීමට කැපවීමෙන් කටයුතු කිරීමට පටන් ගෙන තිබේ.
එවැනි පරිසරයක් මත ශ්රීධරන් මන්ත්රීවරයා ඉලංකෙයි තමිල් අරසු කච්චි පක්ෂයේ සාකච්ඡා වලට පැමිණීම ප්රතික්ෂේප කර ඇත.
ඉලංකෙයි තමිල් අරුසු කච්චි පක්ෂයේ හිටපු නායක මාවෙයි සේනාධිරාජා සමග සාකච්ඡා කොට පක්ෂයට නව මහ ලේකම්වරයෙකු පත් කර ගැනීමට උත්සහ කලත් මාවෙයි සේනාධිරාජා ද එම සාකච්ඡාවලින් ඉවත් වී නිදහසේ සිටීමට ගත් තීරණයක් හේතුවෙන් පක්ෂයට නව මහ ලේකම්වරයෙකු පත් කර ගැනීමට නොහැකි වී තිබේ.
