දිනසේන රතුගමගේ –
මත්ද්රව්ය සඟවාගෙන ඇති දැයි සෙවීමට බව කියමින් යාපනයේ කොණ්ඩාවිල් ප්රදේශයේ පාසලක ගුරුවරුන් දෙදෙනෙකු සිසුවියන්ගේ රහස් ප්රදේශ අත ගාමින් සිදු කෙරෙන පරීක්ෂා කිරීම් නිසා සිසුවියන් පාසල් යාමට දැඩි අකැමත්තක් දක්වන බවට දෙමව්පියන් පිරිසක් යාපනය කලාප අධ්යාපන අධ්යක්ෂවරයා වෙතත් මානව හිමිකම් කොමිෂන් සභාව වෙතත් ඊයේ (13) ලිඛිතව පැමිණිලි කොට ඇත.
මෙම පැමිණිල්ලේ සඳහන් වන්නේ මේ පිළිබදව විද්යාලයේ විදුහල්පතිවරයාටත් පාසල් සංවර්ධන සමීතියේ ලේකම්වරයාටත් මීට පෙර පැමිණිලි කළද ඉන් මෙතෙක් කිසිදු සාධාරණයක් සිදු නොවූ බවය.
අදාල ගුරුවරු දෙදෙනා සිසුවියන් සිය කාමරවලට කැඳවා මත්ද්රව්ය ඇතිදැයි සෙවීම පිණිස බව කියමින් සිසුවියන්ගේ සිරුරු අතපත ගාමින් රහස් ප්රදේශ පවා අත ගා බලන බව දෙමව්පියන් විසින් කළ පැමිණිල්ලේ සඳහන් වෙයි.
මේ ආකාරයේ පරීක්ෂා කිරීම්වලට අවනත නොවන සිසුවියන්ට එම ගුරුවරු දෙදෙනා ඉතා අමානුෂීය අන්දමට පහර දෙන බවද දෙමව්පියන් ප්රකාශ කොට තිබේ.
මේ තත්ත්වයන් මත තම දරුවන් දැඩි මානසික කම්පනයකට පත්ව සිටින බවත් ඔවුන් පාසල් යාම තරයේම ප්රතික්ෂේප කොට සිටින බවත් පෙන්වා දෙන දෙමව්පියන් වහාම මේ ප්රශ්නයට විසදුමක් ලබා දෙන ලෙස කලාප අධ්යාපන අධ්යක්ෂවරයාගෙන් ඉල්ලා ඇත.
කලාප අධ්යාපන අධ්යක්ෂවරයාට කළ පැමිණිල්ලේ පිටපතක් මානව හිමිකම් කොමිෂන් සභාවේ යාපනය දිස්ත්රික් කාර්යාලය වෙතද බාර දී තිබේ.
