දිනසේන රතුගමගේ –
අනුර කුමාර දිසානායක මන්ත්රීවරයා ජනාධිපති වී ඔවුන්ගේ රජයක් යටතේ හොරු අල්ලන්නට උත්සාහ කළ හැකි නමුත් දකුණේ දේශපාලකයින් සියලුම දෙනා හොරු මෙන්ම දූෂිතයන් බැවින් හොරු අල්ලන ව්යාපෘතිය කරන අනුර කුමාර දිසානායකට ගෝඨාභය රාජපක්ෂටත් කලින් ධුරය අත්හැරීමට සිදුවන බව දෙමළ ජනතා සන්ධානයේ නායක සී.වී.විග්නේෂ්වරන් පවසයි.
මේ තත්ත්වය තුළ ජාතික ජන බලවේගයට පැවැත්මක් හෝ අනාගතයක් මේ දේශපාලනයේ නොමැති බව ද පවසන මන්ත්රීවරයා එම පක්ෂයේ ආණ්ඩුවක් තුළ කලාපීය ආරක්ෂාවට ද තර්ජනයක් ඇති විය හැකි බව පවසයි.
මේ තත්ත්වය තුළ මේ රටේ ආර්ථිකය සංවර්ධනය කරවීමට හැකියාවක් නොමැති ඔවුන්ව ජනතාව විසින් බලයට පත් නොකරණ බව ද දෙමළ ජනතා සන්ධානයේ නායක සී.වී. විග්නේස්වරන් කියයි.
ඔහු මේ බව පැවසුවේ ඊයේ (04) යාපනයේ පිහිටි තම කාර්යාලයේදී පැවති මාධ්ය හමුවක් අමතමිනි.
මෙහිදී අදහස් දැක් වූ විග්නේස්වරන් මන්ත්රීවරයා මෙසේද කියා සිටියේය.
” ජාතික ජන බලවේගයට ඡන්දය ලබාදීමට මේ රටේ බහුතරයක් දෙනා කැමති නැහැ. 1988 හා 89 කාලවලදී ඔවුන් විසින් මේ රටට විශාල විනාශයක් කළා. ජනතාව ඉතිහාසය අමතක කිරීමට කොහෙත්ම කැමැති නෑ.
මේ දවස්වල අනුර කුමාර මන්ත්රීවරයාගේ රැස්වීම් වලට සහභාගී වන ජනතාව දෙස බලා බොහෝ දෙනෙකු කියා සිටීන්නේ ඔහු මේ රටේ ජනාධිපතිවරයා බවට පත්වන බවයි. නමුත් එවැන්නක් මෙවර සිදු වන්නේ නෑ.
අනුර කුමාර දිසානායක මන්ත්රීවරයා බලයට පත් වුවහොත් අනෙක් පක්ෂ වල සිට මේ රට පාලනය කරමින් රාජ්ය දේපල හා මුදල් කොල්ල කන ලද පිරිස අත් අඩංගුවට ගන්නා බව ඔහු ප්රකාශ කරනවා. එය බොහෝ විට සිදු වන්නට පුලුවනි. නමුත් එසේ කිරීමට යාමේදී ජාතික ජන බලවේගයට පැවැත්මක් හෝ අනාගතයක් රඳාපවතින්නේ නැහැ. ඊට හේතුව තමයි මේ රටේ දකුණේ දේශපාලනඥයින් සියලු දෙනාම හොරු බව ඉතිහාසය විසින් ඔප්පු කොට තිබෙන නිසා.
අනුර කුමාර මන්ත්රිවරයා හොරුන් අත් අඩංගුවට ගැනීමට ගියවිට ඔහුට ගෝඨාභය රාජපක්ෂ හිටපු ජනාධිපතිවරයා ඔහුගේ ධූර කාලයේ සිටි කාලය තරම් වත් කාලයක් සිටිය නොහැකි වෙනවා. නමුත් ප්රශ්නය මෙවර ජනාධිපතිවරණයේදී අනුර කුමාර දිසානායක මන්ත්රීවරයාව ජනාධිපතිවරයාව කිරීමට කවරෙකුවත් ඡන්දය ලබා නොදීමයි’
සී.වී.විග්නේස්වරන් මන්ත්රීවරයා මෙහිදී කියා සිටියේය.
යකෝ රටේ මිනිස්සු චන්දෙ දෙනව හොරු අල්ලන්න. ඒ දේශපාලුවෝ හොරු හින්ද.ඒ හොරු අල්ලන කොට ගෝටාව එලව්වා වගේ මිනිස්සු අනුරව එළවන්නේ නෑ…දෙමළ ජනතාව මේ පිස්සව පිළිගන්නේ නෑ.