ජයකාන්ත ලියනගේ – බළපිටිය –
දකුණු පළාත තුළ සිදුවන අපරාධ මර්දනය කිරීමට 2020 සිට 2025 දක්වා තම පොලිස් බල ප්රදේශයන් තුළ සිදු වූ බල අපරාධ සියල්ල අදාල පොලිස් ප්රධානීන් කටපාඩමින් සිහි තබා ගතයුතු බවත් විමසන ඹ්නෑම අවස්ථාවකදී එම තොරතුරු කටපාඩමින් ඉදිරිපත් කිරීමට හැකිවිය යුතු බවත් දකුණු පළාත් ජේෂ්ඨ නියෝජ්ය පොලිස්පති කිත්සිරි ජයලත් පළාතේ සෙසු පොලිස් නිලධාරීන්ට දැනුම්දීමත් සමග පොලිසිය ව්යාකූල වී ඇතැයි වාර්තා වේ.
බළ අපරාධ ගනයට මිනී මැරුම්, ස්ත්රී දුෂණ, සොරකම්, මංකොල්ල කෑම්, සාපරාදී බලහත්කාරය පෑම වැනි අපරාධමය කරුණු 26 ක් ඇතුළත් බවත්, පොලීසිය GCR ලෙස වර්ග කර ඇත්තේ මෙම බළ අපරාධ බවත් පොලිස් ස්ථානාධිපතිවරුන් ප්රකාශ කරයි.
2020 සිට 2025 දක්වා GCR වලට අදාල පැරණි සිද්දීන් සියල්ල කටපාඩම් කරගෙන එන ලෙස දකුණු පළාත් නියෝජ්ය පොලිස්පති වරයා දකුණේ සියළුම පොලිස් ස්ථානාධිපති වරුන්ට දැනුම් දී ඇත්තේ ඔහුගේ යම් වැඩ පිළිවෙලක් අනුව බවට විශ්වාස කල හැකි වුවත් මේ සියල්ල කඩපාඩම් කිරීම කළ නොහැකි බව පොලිස් ස්ථානාධිපතිවරුන් පෙන්වා දී තිබේ.
ඔවුන් පෙන්වා දෙන්නේ තංගල්ල, අම්බලන්තොට, හුංගම, ගන්දර, හබරාදුව, ගාල්ල, අම්බලන්ගොඩ, කරන්දෙණිය වැනි පොලිස් බල ප්රදේශයන් තුළ වසරකට මෙවන් GCR බළ අපරාධ 500 කට වැඩි ප්රමාණයක් සිදුවන බවය.
ඒ තත්ත්වය තුළ ජ්යෙෂ්ඨ නියෝජ්ය පොලිස්පතිවරයා නියෝග කරන්නේ වසර 05ක් තිස්සේ ඒ ඒ පොලිස් බල ප්රදේශයන්හි සිදු වූ බල අපරාධ, එම අපරාධ සිදු වූ දිනය, ඒවායේ පැමිණිලිකරුවන් හා සැකකරුවන් මෙන්ම අපරාධයේ ස්වභාවය ආදී සියළු තොරතුරු කටපාඩමින් දැනගත යුතු බවය.
2025 මැයි 15 සහ 16 දිනයන්හි ගාල්ල, ඇල්පිටිය, මාතර හා තංගල්ල පොලිස් කොට්ඨාශවල නිලධාරින් කැඳවා මෙම දැනුම් දීම සිදුකර තිබෙන බවත් බළ අපරාධ තොරතුරු කටපාඩමින් ප්රකාශ කිරීමේ දිනපවා එදින තීරණය කර තිබෙන බවත් දකුණු පළාතේ ජේෂ්ඨ පොලිස් නිලධාරීන් හා පොලිස් ස්ථානාධිපතිවරුන් ප්රකාශ කර තිබේ. මෙතරම් විශාල තොරතුරු ප්රමාණයක් කට පාඩමින් මතකයේ තබා ගැනීමට හැකියාවක් ඇති අයෙකු පොලිස් ස්ථානාධිපති වැනි තනතුරක රැදී නොසිටින බවද ඔවුන්ගේ අදහස වී තිබේ.
මෙවැනි පීඩාකාරී නියෝග ලබා දෙන්නේ පොලිස් නිලධාරීන්ට රාජකාරි කිරීම සඳහා අවශ්ය භෞතික සහ මානව සම්පතේ හිඟයක් මෙන්ම සුබ සාධන වැඩපිළිවෙළේ අඩුලුහුඩුකම් ගණනාවක් මැද රාජකාරි සිදුකරන්නට වූ පරිසරයක බව ද පොලිස් නිලධාරීහු පෙන්වා දෙති.
