දිනසේන රතුගමගේ –
ත්රිකුණාමළයේ සිට පුල්මුඩේ දක්වා වූ මුහුදු තීරයේදී රතු කකුලු පැටවුන් ලක්ෂ ගණනක් මියගොස් කකුලු කටු වෙරළ තීරයට ගොඩ ගසන්නට පටන් ගෙන තිබේ.
ඇතැම් ස්ථාන වල කිලෝ මීටර් තුනක් පමණ දුරට මෙම කකුලු මළ සිරුරු දැක ගන්නට හැකියාව ලැබේ.
හදිසියේම රතු කකුලු පැටවුන් මේ අන්දමට මියයාමට හේතුවක් නිශ්චය වශයෙන් හදුණා ගැනීමට නොහැකි වී ඇති බව ධීවර පරීක්ෂක නිලධාරීන් සදහන් කරයි.
මේ තත්ත්වය ක්රමයෙන් මුලතිව් මුහුදු වෙරළ දිශාවටද ලඟා විය හැකි බැවින් මේ සිද්ධිය සම්බන්ධයෙන් ධීවර දෙපාර්තමේන්තුව වෙත වාර්තා කොට ඇත.
දැනට මෙම කලාපයේ රතුකකුලු පැටවුන් මිලියනයක පමණ ප්රමාණයක් මියගොස් ඇති බවද එම වාර්තා සදහන් කොට ඇත.
