විශ්රාම ලබන රාජ්ය සේවකයන් සහ රාජ්ය ව්යාපාරවල සේවකයන් සඳහාවන සමු ගැනීමේ උත්සව සහ සාද වෙනුවෙන් රජයේ මුදල් වියදම් කිරීම තහනම් කරමින් කරමින් මුදල් අමාත්යංශය සියලුම රාජ්ය ආයතනවලට චක්රලේඛයක් නිකුත් කර තිබේ.
මෙම තීරණය ගෙන ඇත්තේ විශ්රාම ලැබීමේ වයස අවුරුද 65 සිට 60 දක්වා අඩු කිරීමත් සමඟ විශ්රාම ලබන රජයේ උසස් නිලධාරීන් කිහිප දෙනකු ම සඳහා රජයේ වියදමින් තරු පහේ හෝටල්වල සාද, උත්සව පැවැත්වීමට සහ වටිනා ත්යාග ලබා දීම පිළිබඳව පවතින සූදානම අනාවරණය වීමෙන් පසුව බව අද “ද සන්ඩේ ටයිම්ස්“ පුවත් පත වාර්තා කරයි.
එම පුවතට අනුව අමාත්යංශ කිහිපයක ලේකම්වරුන් , අතිරේක ලේකම්වරුන් සහ රාජ්ය ව්යාපාරවල උසස් තනතුරු දරන නිලධාරීන් ගණනාවක් විශ්රාම ලැබීමට නියමිත වන අතර ඔවුන් සඳහා විවිධ උත්සව සංවිධානය වෙමන් තිබේ.
මෙම උත්සව වලින් ඇතැමෙක් තරු පහේ හෝටල් ඇතුලු වෙනත් උත්සව ශාලාවල මෙන්ම අදාළ ආයතන පරිශ්ර තුළ ද සංවිධානය වෙමින් පවතින අතර වටිනා විදුලි සහ ඉලෙක්ට්රොනික උපකරණ ඔවුන්ට ත්යාග වශයෙන් ලබාදීම කෙරෙහිද සූදානමක් පවතී.
පවතින ආර්ථික අර්බුදය හමුවේ රජයේ මුදල් මේ වෙනුවෙන් වැය කිරීම අපහසු බව පෙන්වා දී ඇති මුදල් අමාත්යංශය මෙවැනි උත්සව සඳහා රජයේ අරමුදල් කිසිසේත් භාවිත නොකරන ලෙසට සියලුම අමාත්යංශ දෙපාර්තමේන්තු සහ රාජ්ය ව්යාපාර ආයතන ප්රධානීන්ට චක්රලේඛයක් නිකුත් කර ඇත.
රජයේ සේවකයන්ගේ විශ්රාම වයස පිළිබඳව නව නීති රීතිවලට අනුව මෙම වසර අවසානය වනවිට විිවිධ තනතුරුවල සිටින රාාජ්ය සහ රජයෙ වයාපාරවල සෙවක සේවකාවන් 18000ක් පමණ විශ්රාම යෑමට නියමිතය.
