පාකිස්තානය තුල මේවන විට ඇතිව තිබෙන විශාල විදේශ විනිමය හිඟය හේතුවෙන් පාකිස්තාන රජය විසින් එරට ප්රධාන ගුවන් තොටුපොලවල මෙහෙයුම් තෙවන පාර්ශවයන් ඔස්සේ සපුරා ගැනීමට උත්සහකරමින් සිටින බවට වාර්තාවේ.
ඒ අනුව මේවන විට පාකිස්තාන අමුදල් අමාත්යවරයා විසින් විදේශ පාර්ශවයින් ඔස්සේ මෙම මෙහෙයුම් කටයුතු සපුරා ගැනීම සම්බන්ධයෙන් වූ රැස්වීම් කිපයක්ම පවත්වට ඇති බවටද එරට ඩොවුන් පුවත්පත වාර්තා කරයි.
වත්මන් පාකිස්තාන රජයේ ධුර කාලය අවසන් වන අගෝස්තු 12 වැනිදා වන විට ඉස්ලාමාබාද් ජාත්යන්තර ගුවන් තොටුපොළේ මෙහෙයුම් කටයුතු බාහිර පාර්ශවයින් ඔස්සේ සපුරා ගැනීම සඳහා වූ කටයුතු අවසන් කරන ලෙසට මුදල් අමාත්ය ඉෂාඛ් ඩාර් උපදෙස් ලබා දී ඇති බවටද ඩෝවුන් පුවත්පත අනාවරණය කරයි.
මේ අතර මුදල් අමාත්යවරයාගේ ප්රධානත්වයෙන් ඉකුත් සෙනසුරාදා ගුවන් තොටුපල මෙහෙයුම් බාහිර පාර්ශවයන් ඔස්සේ ඉටු කරගැනීමේ ප්රගතිය තක්සේරු කිරීමේ මෙහෙයුම් කමිටුවේ රැස්වීමක්ද පැවැත්විණි.
එහිදී ප්රමුඛතාවයක් ලෙස ඉස්ලාමාබාද් ජාත්යන්තර ගුවන් තොටුපළේ මෙහෙයුම් කටයුතු බාහිරින් ලබා ගැනීම සඳහා අවශ්ය ක්රියා පටිපාටි සම්පූර්ණ කිරීමට කමිටුව පැහැදිලි උපදෙස් ලබා දී ඇති බව රැස්වීමට එක් පාර්ශවයින් රහසිගතව ඩොවුන් පුවත්පත වෙත පවසා තිබේ.
මෙලෙස ගුවන් තොටුපලවල් වල මෙහෙයුම් කටයුතු බාහිර පාර්ශවයින්ට පැවරීමට සඳහා පාකිස්තාන ගුවන්සේවා පනත් වෙනස් කිරීමටද මුදල් අමාත්යවරයා බලාපොරොත්තු වන බවට වාර්තාවේ. එමගින් මෙම කටයුතු ඉතා කඩනමින් තෙවන පාර්ශවයින්ට පැවරීමට අවස්ථාව උදාවන බවටද පාකිස්තාන මාධ්ය වාර්තා සඳහන් කරයි.
