ඩිජිටල් හැඳුනුම්පත සකස් කිරීමේ දී ශ්රී ලාංකිකයෙකුගේ කිසිම දත්තයක් ඉන්දියානු සමාගමකට හෝ වෙනත් කිසිම විදේශයකට පිට නොවන බව වගකීමකින් සහතික කරන බව ඩිජිටල් ආර්ථිකය පිළිබඳ නියෝජ්ය අමාත්ය එරංග වීරරත්න අද මාධ්ය හමුවක් කැඳවමින් ප්රකාශ කළේය.
ඉන්දියානු ආධාර යටතේ දියත්වන ඩිජිටල් කරණ ව්යාපෘතියේ ප්රධානම අංගයවන දත්ත පද්ධතිය ගොනුකරගැනීමේ මෘදුකාංගය භාවිතයේ දී පියවර දෙකක් ඇති බව කී අමාත්යවරයා එහි පළමු පියවර එම මෘදුකාංගය ලංකාවට ගැලපෙන සේ සංවර්ධනය කරගැනීම බවත් දෙවැනි පියවර එයට දත්ත ඇතුළත් කිරීම බවත්ය.
මෙහිදී ජාතික ජන බලවේග ආණ්ඩුව ගිවිසුම්ගතව ඇත්තේ මෙම පළමු පියවර වූ මෘදුකාංගය සංවර්ධනය කිරීම පමණක් ඉන්දියානු සමාගම මගින් සිදුකළ පසු එහි සියලුම ප්රවේශ අයිතිය ශ්රී ලංකා රජයට පවරාගෙන ශ්රී ලාංකිකයින් පිරිසක් මේ පද්ධතිය හැසිරවීම සඳහා පුහුණු කර මේ ක්රියාවලියෙන් සමාගම ඉවත්වන ආකාරයට බවය.
දත්ත එකතුකිරීම සහ දත්ත ඇතුළත් කිරීම සිදුවන්නේ ශ්රී ලංකා රජයේ හෝ රජය හා සම්බන්ධවන පුද්ගලික ශ්රී ලාංකික ආයතනයක් මගින් බව අවධාරණය කළ නියෝජ්ය ඇමතිවරයා ඉන් අනතුරුව පද්ධතියේ ආරක්ෂණ කටයුතු මේ ක්ෂේත්රයේ අන්තර්ජාතික තලය තුළ වෘත්තීමය වශයෙන් ක්රියාත්මකවන ශ්රී ලාංකික ආයතන හරහා සිදුකරන බවත් මේ පද්ධතියේ එකම දත්තයක්වත් පිටවී යෑමට ඉඩක් නැති බව සහතික වුනේය.
එබැවින් මේ වනවිට ජාතික ආරක්ෂාවට තර්ජනයක්, දත්ත ඉන්දියාවට දෙනවා වැනි කතා වලට ඇහුම්කන් දී අස්ථාන බියක් ඇති කර නොගන්නා ලෙස පැවසුවේය.
එමෙන්ම ඩිජිටල් හැඳුනුම්පතට යොදා ගන්නේ මේ වනවිට කාර්යාලයට ප්රවේශවීමටත් භාවිතා කරන ඇඟිලි සලකුණ, සාමාන්ය හැඳුනුම්පතටත් භාවිතාවන මුහුණේ හැඩය සහ අමතරව ලබා ගන්නා කළු ඉඟිරියාවේ හැඩය පමණක් බවද ඇමතිවරයා පෙන්වා දුන්නේය.
මේ සම්බන්ධව ඇමතිවරයා කරන පූුර්ණ කරුණු දැක්වීම පහතින් වේ.
