ලලිත් චමින්ද
ඊයේ (07) සහ පෙරේදා (06) දෙදින තුළ දී ගාල්ල කොටුව ප්රදීපාගාරය අසල වෙරළටත් රෑන්පාට් හෝටලය අසල වෙරළටත් හා උණවටුන යද්දෙහිමුල්ල වැල්ල දේවාල වෙරලටත් ගොඩ ගසා තිබු සංරක්ෂිත කැස්බෑවන් හත් දෙනාගේ මරණයන් අවට සිදුවන ඩයනමයිට් ගසා මසුන් මරණ සාහසික අපරාධයේ ගොදුරු විය හැකි බව වනජීවී දෙපාර්තමේන්තුව පවසයි.
වසර 80ක් 90ක් පමණ ජීවත්වන මෙම සතුන් කොපමණ දෙනෙක් මේ අපරාධයෙන් මිය ගියාදැයි නොදන්නා බව පවසන වනජීවී දෙපාර්තමේන්තුව අනිවාර්යයෙන්ම වැල්ලට ගොඩගැසූ කැස්බෑවන්ට අමතරව තවත් ප්රමාණයක් මිය ගොස් ඇති බව පෙන්වා දෙන්නේ මේ වකවානුව කැසැබෑවුන් බිත්තර දැමීමට වෙරළ තීරය වෙත එන කාලය බව පෙන්වා දෙමිනි. මිය ගිය සතුන් 07 දෙනාම ගැහැණු සතුන් වීම ද මෙහිදී අදාල නිලධාරීහු පෙන්වා දෙති.
සිද්ධිය පිිළිබඳ විදිමත් පරික්ෂණයන් පවත්වා වැඩිදුර වාර්තාවක් අධිකරණය වෙත ඉදිරිපත් කරන්නැයි ගාල්ල වැඩ බැලු අතිරේක මහෙස්ත්රාත් ජේෂඨ නිතිඥ ලලිත් පතිණ හික්කඩුව වනජිවි කලාප නිළධාරි වරයාට මේ වනවිට නියෝග කර ඇත.
පසුගිය සිකුරාදා වැල්ල දේවාල වෙරලට කැස්බැවන් තිදෙනකු හා කොටුවවෙරලට තවත් තිදෙනකු මැරි ගොඩ ගසා තිබුඅතර සෙනසුරාදා තවත් එක් අයකු වැල්ලදේවල වෙරළට ගොඩගසා තිබු බවත් මෙම සතුන්ගේ මරණයට හේතුව කම්පනය හා තද පිපිරිමක් හා තදබල තෙරපිමක් බවට මුලික වාර්තාවක් හික්කඩුව වනජිවි කාර්යාලය විසින් අතිරේක මහෙස්ත්රාත් අධිකරණයට වාර්තා කර සිටිමෙන් පසුව වැඩබැලු අතිරේක මහෙස්ත්රාත්වරයා ඉහත නියෝගය ලබා දෙමින් ජනවාරි මස 25 දින මේ සම්බන්ධයෙන් වැඩිදුර වර්තාවත් ගරු අධිකරණය වෙත ඉදිරිපත් කරන ලෙසත් නියෝග කර ඇත.
.
මේ සම්බන්ධයෙන් අප විසින් හික්කඩුව වනජිවි කාර්යාලය හි කලාප නිලධාරි අසංක ගුණවර්ධනගෙන් කළ විමසීමක දී ඔහු මසේ පැවසීය.
” වයස 15 ක් පමණ වන බටු කැස්බැවන් හය දෙනකු හා රින් වර්ගයේ එක් කැස්බැවකු මෙසේ ඉතා අවාසනාවන්ත ලෙස මිය ගිහින් තිබුණා. ඔවුන් ගැහැණු සතුන්. මෙම සතුන් ගොඩට ගසා ගෙන එන්නට දින ගනනකට පෙර වතුරේ දි මිය ගොස් තිබෙනවා. මෙම මරණවලට හේතුව කම්පනය හා දෙදරිම් බව දැන් මරණ පරීක්ෂණවලදි තහවුරු වෙලා තියනවා. මෙම මරණ ඩයිනමයිට් දැමිමෙන් සිදුවු මරණ බවට 90% ක පමණ විශ්වාසයකින් නිගමනය කළ හැකියි. ”
“මේ වනවිට මෙම සතුන් බිත්තර දැමිමේ කාල පරාසය… ඒ නිසා තමයි අපට මිය සතුන් හත් දෙනාම ගැහැණු සතුන් ලෙස හමුවන්නේ. ගොඩට ගසා ගෙන ආ කැස්බැවන්ට අමතරව තවත් කැස්බෑවන් මිය යන්නට ඇති බවට අප විශ්වාස කරනවා. මියගිය මසුන්ද හමුවු බව වැල්ල දේවාල ප්රදේශයේ අය අපට කිව්වා. ”
“මේවනවිට ගාල්ල හික්කඩුව හබරාදව යන ප්රදේශ ආශ්රිත මුහුදේ බරපතල ලෙස ඩයින යොදා මසුන් ඇල්ලිම සිදුකර ගෙන යනවා. මේවා ඇල්ලිමට ක්රියා නොකිරිම නිසා වසර 80-90පසුකර ජිවත් වන මෙම සත්ව විශේෂය විනාශ වීම ඛේදවාචකයක්. මොකද මේ සත්ව විශේෂය විදේශ සංචාරකයින්ගෙ දඩි අවධානය දිනාගත් ජනප්රිය සංචාරකසේවාවක් නිර්මාණය කරන සත්ත්ව විශේෂයක්. ”
මෙම සිද්ධිය සම්බන්ධයෙන් තම කාර්යාලය වැඩිදුරටත් පරික්ෂණ පවත්වා ගෙන යන බවත් ඒ මහතා පැවසිය
