ලලිත් චාමින්ද –
දුම්රිය මගින් බෙලිඅත්තේ සිට මරදාන දක්වා කෘෂි භාණ්ඩ ප්රවාහනය කිරීමේ විශේෂ වැඩසටහනක් ආරම්භ කිරීමට සැලසුම්කොට ඇති බව දුම්රිය දෙපාර්තමේන්තුව පවසයි.
නියමු ව්යාපෘතියක් ලෙස මෙය ක්රියාත්මක කිරීමට සැලසුම්කොට ඇති අතර ජුනි මස 29 වන දින බෙලිඅත්ත සිට මරදාන දක්වා දුම්රිය මගින් කෘෂි භාණ්ඩ ප්රවාහනය කිරීමේ වැඩසටහන ආරම්භ කර තිබිණි.
මෙහිදී ලෝක බැංකු ආධාර යටතේ දුම්රිය මගින් කෘෂි භාණ්ඩ ප්රවාහන කිරීමේ ක්රමවේදයක් සකස් කිරීමට සැලසුම්කොට ඇති අතර Online app එකක් මගින් සහ දුරකථන hotline භාවිතයෙන් කෘෂි ප්රවාහන පහසුකම් සඳහා දුම්රිය වෙන් කර ගැනීමේ අවස්ථාව හිමිවේ.
මෙම ව්යාපෘතිය ක්රියාත්මක කිරීමෙන් ගොවින්ගේ කෘෂි නිෂ්පාදන සාධාරණ මිලකට අලෙවි කරගැනිමට හැකිවීම, පසු අස්වනු හානිය අවම කර ගැනීම , දුම්රිය ප්රවාහන ගාස්තු අවම වීම, කෘෂි නිෂ්පාදන ,අතරමැදියන් විසින් සුරාගෙන කෑම අවම කරගැනීමට හැකිවන බව දුම්රිය දේපාර්තමේන්තුව පෙන්වා දෙයි.
