ජම්මු කාෂ්මීර්  කෘෂිකර්ම නිෂ්පාදන දෙගුණයක් කර ගැනීමට නව කෘෂිකර්ම සංවර්ධන සැලැස්මක්.

ජම්මු කාශ්මීර රජයේ සමස්ත කෘෂිකර්ම සංවර්ධන සැලැස්ම යටතේ යෝජනා ක්‍රම ක්‍රියාත්මක කිරීමෙන් පසු යූටී (Union territory) හි කෘෂිකාර්මික නිෂ්පාදනය දෙගුණයක වී කෘෂිකාර්මික අපනයනයට අවශ්‍ය අතිරික්තය ලැබෙනු ඇතැයි ද කෘෂිකර්ම නිෂ්පාදන දෙපාර්තමේන්තුවේ අතිරේක ප්‍රධාන ලේකම් අටල් දල්ලෝ පැවසීය.
ඔහු මේ බව සඳහන් කළේ ව්‍යාපෘති බිම් සැකසීමේ සහ අධීක්ෂන කමිටු ප්‍රධානීන් සමඟ සමස්ත කෘෂිකර්ම සංවර්ධන සැලැස්ම සම්බන්ධයෙන් අධීක්ෂණය කරමිනි.
මෙහිදී ලේකම්වරයා , සැලසුම සම්පූර්ණයෙන් ක්‍රියාත්මක කරන ලෙස නිළධාරීන්ට උපදෙස් ලබා දුන් අතර ටෙන්ඩර් නිකුත් කිරීම, ප්‍රසම්පාදනය හා මානව සම්පත් කළමණාකරණය සම්බන්ධයෙන් වන සියලුම මූලික කටයුතු කලින් අවසන් කරන ලෙස ඔවුන්ගෙන් ඉල්ලා සිටියේය.
කෘෂිකර්ම දෙපාර්තමේන්තුව විසින් නිකුත් කරන ලද නිවේදනයක දැක්වෙන්නේ, නියමිත වේලාවට ප්‍රසම්පාදනය කිරීම සහ සම්පත් ප්‍රයෝජනයට ගැනීම සඳහා ටෙන්ඩර් ලේඛනවල පරිපූර්ණ පිරිවිතර සකස් කිරීමෙන් විනිවිදභාවය පවත්වා ගන්නා ලෙස ඔහු ඔවුන්ගෙන් ඉල්ලා සිටි බවයි.