දිනසේන රතුගමගේ
ජනාධිපතිවරයාගේ ආරාධනය මත ජනවාරී 3 වෙනිදා සිදුවන හමුවේදී ජනාධිපතිවරයාට ඉදිරිපත් කිරීම සදහා යෝජනාවලියක් සකස් කිරීමට ප්රධාන දෙමළ දේශපාලන පක්ෂ හයක නායකයෝ ඊයේ (24)යාපනයේ නල්ලූර් ප්රදේශයේ පිහිටි විග්නේස්වරන් මන්ත්රීවරයාගේ නිවසට එක් වූහ.
මාධ්යවේදින්ට එම සාකච්ඡාවට සහභාගී වීම තහනම් කොට තිබූ අතර සාකච්ඡාවෙන් පසුව මාධ්යට තොරතුරු ලබා දීමද වළක්වා තිබුණි.
මේ සාකච්ඡාවට ඉලංකෙයි තමිල් අරුසු කච්චි පක්ෂය, ටෙලෝ පක්ෂය,ප්ලොට් සංවිධානය, ඊ.පී.ආර්.එල්.එෆ්. සංවිධානය, දෙමළ ජනතා සන්ධානය, දෙමළ ජාතික පක්ෂය යන පක්ෂ සහභාගී වී සිටියහ.
මෙම සාකච්ඡාවට සහභාගී වන ලෙස ගජේන්ද්රකුමාර් පොන්නම්බලම්ගේ දෙමළ ජාතික ජනතා පෙරමුණ පක්ෂයට ඇරයුම් කොට තිබුණද එම පක්ෂය වෙනුවෙන් කීස්වෙකු සහභාගී වී නොසිටියහ.
සාකච්ඡාව පිළිබදව දෙමළ ජනතා සන්ධානයේ නායක සී.වී.විග්නේස්වරන් මන්ත්රීවරයාගෙන් තොරතුරු විමසූ විට ඔහු කියා සිටියේ ප්රජාත්න්ත්රවාදය යටතේ උතුරු නැගෙනහිරට බලය බෙදෙන දේශපාලන ක්රියාදාමයක් ජනාධිපතිවරාගෙන් ඉල්ලා සිටින බවයි.
ඒ සමගම ඉදිරියේදී පැවැත්වෙන පළාත් පාලන මැතිවරණය සම්බන්ධයෙන්ද ජිනීවා මානව හිමිකම් මන්ඩලයේ නිර්දේශයන් ක්රියාත්මක කිරීම ගැනද ජනාධිපතිවරයා සමග සාකච්ඡා කිරීමට පක්ෂ හයක නායකයන් තීරණය කළ බවය.
