චීන ව්යවස්ථාවේ සංශෝධිත අනුවාදය අනුව ඔත්තු බැලීමේ නීතිය ජූලි 1 වනදා සිට බලාත්මක වන අතර, ලෝකයේ දෙවන විශාලතම ආර්ථිකයක් හිමි චීනය සමඟ මින් ඉදිරියට පහසුවෙන් කටයුතු කිරීමට නොලැබේ යැයි යුරෝපීය, ඇමරිකානු, ජපන් හා දකුණු ඉන්දියානු ආයතන බිය පළ කරයි. මේ වන විටත් සමහර රටවල්වල සංචාරක සම්බාධක පනවමින් චීනයේ සංචාරය තහනම් කර තිබේ.
ඔත්තු බැලීමේ නිර්වචනය පුළුල් කරමින් ජාතික ආරක්ෂාවට අදාළ ඕනෑම තොරතුරක් මාරු කිරීම නීතිය තහනම් කර ඇති අතර රාජ්ය ආයතනවලට හෝ තීරණාත්මක තොරතුරු යටිතල ව්යුහයන්ට එරෙහි සයිබර් ප්රහාර නීතිය ද සලකා බලන බව ෂින්හුවා ප්රවෘත්ති ඒජන්සිය සදහන් කර ඇත.
2014 දී සම්මත කරන ලද ඔත්තු-විරෝධී නීතියේ මුල් පිටපත ඔත්තු බැලීම ආවරණය කිරීමට එය ‘රාජ්ය රහස් සහ අන්තර් මැදිහත්වීම්’ ලෙස අර්ථ දැක්වීය. සංශෝධිත අනුවාදය ඔත්තු බැලීම, ජාතික ආරක්ෂාව සහ අවශ්යතා සම්බන්ධ ඕනෑම ලේඛන, දත්ත, ද්රව්ය සහ අයිතම සඳහා ප්රවේශයක් ලෙස දකින නමුත්, ජාතික ආරක්ෂාව හෝ අවශ්යතා මොනවාදැයි එමඟින් පැහැදිලි නොකරයි.
විදේශිය මාධ්යවේදීන් ද මෙම නීතිය සම්බන්ධයෙන් පැහැදිලි තත්ත්වයක නොසිටින්නේ මෙම නීතිය හරහා ඕනෑම ‘වැරැද්දක්’ සඳහා ‘නිදහසට කාරණා රැසක්’ පැවසිය හැකි නිසාය. කෙසේ වෙත්ත චීන විදේශ කටයුතු අමාත්යංශය සඳහන් කරන්නේ ඕනෑම රටකට ජාතික ආරක්ෂාව සඳහා අවශ්ය පරිදි නීතිය වෙනස් කිරීමට අයිතිය තිබෙන බවත් එම අයිතිය චීනය භාවිතා කළ බවත් ය.
