මාධ්යවේදී චමුදිත සමරවික්රම මහතාගේ නිවසට එල්ල කළ ප්රහාරය පිළිබඳ විමර්ශන පවත්වන පොලිස් කණ්ඩායම්වලට එම ප්රහාරකයන් විසින් ලබා ගන්නා ලද දුරකථන දත්ත විමර්ශන කාර්යක්ෂමව සිදු කිරීමේ බාධාවන් පවතින බව පොලිස් ආරංචි මාර්ග සඳහන් කරයි.
එම තත්ත්වයට හේතු වී ඇත්තේ, මෙම විමර්ශන පවත්වන්නේ එම දුරකථන දත්ත, අදාල සමාගම්වලින් සෘජුව ලබාගැනීමේ විශේෂ බලතල සහිත පොලිස් කණ්ඩායම් නොව ඊට පරිබාහිර කණ්ඩායම් නිසා බවත් ඔවුන්ට ඊට අදාළව අධිකරණ නියෝග වෙන්වෙන්ව ලබා ගැනීමට සිදුව ඇති බවත් සඳහන් වේ.
මෙම තත්ත්වය නිසා ප්රහාරකයන් විසින් ලබාගත් දුරකථන ඇමතුම් පිළිබද නිසි තොරතුරු නිශ්චය කර ගැනීමේ යම් ප්රමාදයක් සිදුව ඇති බව එම ආරංචි මාර්ග සඳහන් කරයි.
සාමාන්යයෙන් දුරකථන සන්නිවේදන කුළුණු හරහා දිවෙන දුරකථන ඇමතුම් තොරතුරු පිළිබඳ රිජ්වේ ලබා ලබා ගැනීමේ බලතල සහිත විශේෂ පොලිස් කණ්ඩායම් කිහිපයක් තිබේ.
ඒ විශේෂ විමර්ශන සඳහා වෙන් වූ කණ්ඩායම් වන අතර අනෙක් පොලිස් කණ්ඩායම් වලට සාපේක්ෂව ඔවුන්ට කඩිනමින් එම තොරතුරු ලබා ගැනීමට හැකියාව ලැබේ.
එම විශේෂ බලතල හිමිව ඇත්තේ අපරාධ පරීක්ෂණ දෙපාර්තමේන්තුව , රාජ්ය බුද්ධි සේවය ඇතුළු පොලිස් කණ්ඩායම් කීපයකට පමණි.
මේ වන විටත් සමරවික්රම මහතාගේ නිවසට ප්රහාර එල්ල කළ පුද්ගලයන් ගමන්ගත් වාහනය පිළිබඳ cctv කැමරා ආවේක්ෂණ කටයුතු පොලිස් කණ්ඩායම් කිහිපයක් මඟින් සිදුකරන අතර එම වාහනය පිළියන්දල සිට කොහුවල සරණංකර පාර, කළුබෝවිල ප්රදේශ පසුකර හැව්ලොක් ටවුම හරහා කොළඹ 7 කුරුඳුවත්ත ප්රදේශයේ ආසන්නයට පැමිණ ඇති බව මෙතෙක් සිදුකරන ලද පරීක්ෂණවලදී අනාවරණය වී ඇති අතර තවදුරටත් පොලිස් නිලධාරීන් 60 කින් සමන්විත පොලිස් කණ්ඩායම් නමයක් ආවේක්ෂණ කටයුතු සිදු කරන බව සිදුකරන බව පොලිස් ආරංචි මාර්ග සඳහන් කළේය.
