දිනසේන රතුගමගේ –
ශ්රී ලංකා මුහුදු සීමාව පැන යාපනයේ වෙරළ ආසන්නයේ කෝවිලන් ප්රදීපාගාරය අසලට අනවසරයෙන් පැමිණ මසුන් මරමින් සිටි ඉන්දීය ධීවරයින් හතර දෙනෙකු සහ ඔවුන්ගේ යාත්රාවක් නාවික හමුදාව හා වෙරළාරක්ෂක නිලධාරීන් විසින් ඊයේ ( 3 ) අත් අඩංගුවට ගෙන තිබේ.
ඉන්දියාවේ රාමේස්වරන් ප්රදේශයේ සිට පැමිණි මෙම ඉන්දීය ධීවරයින් හතර දෙනා යාපනයේ ගොඩබිම් සීමාව තෙක්ම පැමිණ මසුන් මරා ඇති අතර ඔවුන් විසින් අල්ලන ලද මසුන් කිලෝ ග්රෑම් 800 ක් ද නාවික හමුදාව අත් අඩංගුවට ගෙන මසුන් තොගය මුහුදට දමා විනාශ කොට ඇත.
ඉන්දීය ධීවරයින් පැමිණි යාත්රාව කන්කසන්තුරේ නාවික හමුදා කදවුරේ රඳවා ගෙන ධීවරයින් හතර දෙනා වැඩිදුර පරීක්ෂණ කටයුතු සදහා යාපනයේ ධීවර පරීක්ෂක නිලධාරීන් වෙත බාර දී තිබේ.
එම ධීවරයින්ගෙන් ප්රශ්න කිරීමෙන් පසුව ඔවුන්ව යාපනය මල්ලාකම් අධිකරණය වෙත ඉදිරිපත් කිරීමට ධීවර පරීක්ෂක නිලධාරීන් පියවර ගෙන ඇත.
