ගුවන් නියමුවරියක් සිය දරුවාගේ පියා ශ්රි ලංක ක්රිකට් ක්රීඩක චාමික කරුණාරත්න බව සනාථ කිරීම සඳහා ඔහුගේ ඩී.එන්.ඒ වාර්තාවක් කැඳවීමට අවශ්ය නියෝගයක් ලබා දෙන ලෙස අධිකරණයෙන් කළ ඉල්ලීම වගඋත්තරකාර චාමික කරුණාරත්න විසින් ප්රතික්ස්ප කරනු ලබන බව ඔහු වෙනුවෙන් පෙනී සිටි නීතිඥවරයා කොළඹ මහෙස්ත්රාත් අධිකරණයට ඊයේ දැනුම් දුන්නේය. .
සිද්ධියට අදාළ නඩුව ඊයේ (දෙසැ. 8) අධිකරණය හමුවේ නැවත කැඳවූ අවස්ථාවේදී වග උත්තරකාර චාමික කරුණාරත්න වෙනුවෙන් පෙනී සිටි නීතිඥ අසේල රැකව ඒ බව අතිරේක මහෙස්ත්රාත් කසන් කාංචන දසරතන වෙත දැනුම් දුන්නේ ය.
මෙම ක්රීඩකයා සිය සේවාදායිකාව විවාහ කර ගැනීමේ අරමුණින් ඇය සමග සබඳතාවක් පවත්වාගෙන ගොස් ඇති බව ත් එහි ප්රතිඵලයක් වශයෙන් ඔහුට දාව තම සේවාදායිකාවට දරුවෙක් සිටින නමුත් වග උත්තරකාර චාමික කරුණාරත්න ඇය අතහැර වෙන්ව සිටින බව ත් පැමිණිලිකාර ගුවන් නියමුවරිය වෙනුවෙන් පෙනී සිටී නීතිඥවරයා අධිකරණය හමුවේ පැවසීය.
එබැවින් එම දරුවාගේ පීතෘත්වය සනාථ කිරීම සඳහා චාමික කරුණාරත්නගේ ඩී.එන්.ඒ වාර්තාවක් කැඳවීමට නියෝගයක් ලබා දෙන ලෙසට පැමිණිලිකාර ගුවන් නියමුවරිය වෙනුවෙන් පෙනී සිටි නීතිඥ ජෙරුස තාම්බයියා අධිකරණයෙන් ඉල්ලීමක් කළේ ය.
තම සේවාදායකයා එම දරුවාගේ පීතෘත්වය පිළි නොගන්නා බැවින් ,පැමිණිලිකාරිය කරන ඉල්ලීම ප්රතික්ෂේප කරන ලෙස එහිදී වග උත්තරකාර චාමික කරුණාරත්න වෙනුවෙන් පෙනී සිටි සිටි නීතිඥ අසේල රැකව අධිකරණයෙන් ඉල්ලීමක් කරමින් වැඩිදුරටත් සඳහන් කර සිටියේ, තම සේවාදායකයාගෙන් ඩී.එන්.ඒ වාර්තාවක් ලබා ගැනීමට අධිකරණයෙන් බලපෑමක් කළ නොහැකි බව ත් එය ඔප්පු කිරීමේ කාර්යය පැමිණිලිකාරිය සතුව පවතින බව ත් ය.
ඒ අනුව, වගඋත්තරකරු ඩී.එන්.ඒ පරීක්ෂාව කිරීම ප්රතිෂේප කරන බව ත් සිද්ධියට අදාළව පීතෘත්වය ලබා දීම ප්රතික්ෂේප කරන බව ත් නීතිඥවරයා අධිකරණයට දැන්වීය.
දෙපාර්ශවය දැක්වූ කරුණු සලකා බැලූ මහේස්ත්රාත්වරයා නඩුව ජනවාරි මස 30 දිනට කල් තැබූ අතර වගඋත්තරකාර චාමික කරුණාරත්න රුපියල් ලක්ෂ දහයක් බැගින් වූ ශරීර ඇපයක් මත මුදා හරින ලෙස ද නියෝග කළේ ය.
