දිනසේන රතුගමගේ –
කිළිනොච්චියට ඇද හැලෙන ධාරානිපාතා වාර්ෂව නිසා ඉරණමඩු ජලාශයේ වාන් දොරටු හතරක් ඊයේ (11) රාත්රී විවෘත කිරීමට වාරිමාර්ග නිලධාරීන් පියවර ගෙන තීබේ.
එම වාන් දොරටුවලින් ගලා යන ජලය නිසා කිළිනොච්චියේ පහත් බිම් ජලයෙන් යට වී කිළිනොච්චියේ ඉරණමඩුකුලම් ගම්මානයේ පවුල් 68 කට සිය නිවෙස් අතහැර වෙනත් ආරක්ෂිත ස්ථාන කරා යාමට සිදුව තිබේ.
පසුගිය දිනවල ඇතිවූ වර්ෂාවෙන්ද කිළිනොච්චියේ ඉරණමඩුකුලම් ප්රදේශයේ වැසියන්ට සිය නිවෙස් අතහැර යාමට සිදු වු අතර ඔවුන් යළි නිවෙස්වලට පැමිණ දින නවයකින් ආපසු ඔවුන්ගේ නිවාස අතහැර යාමට සිදුව තිබේ.
දින තුනක් තිස්සේ කිළිනොච්චියට ඇද ඇලෙන ධාරානිපාත වර්ෂාව මෙතෙක් පහව ගොස් නොමැති අතර පීඩන අවපාතයේ වැඩිම බලපෑමක් සිදුව ඇත්තේ යාපනය කිළිනොච්චිය හා මුලතිව් යන පළාත් වලටය.
