පුරපතියනිය ලෙස ව්රායි කැලී බල්තසාර් නම් කර කොළඹ නගර සභාවේ බලය ජාතික ජනබලවේගය විසින් පිහිටුවා අවසන් බවත් කෘෂිකර්ම, ඉඩම්, පශු සම්පත් හා වාරිමාර්ග අමාත්ය කේ.ඩී ලාල්කාන්ත අද (28) මහනුවර දී පැවසුවේය.
ඇමතිවරයා ප්රකාශ කළේ දැන් ඉතිරිවී ඇත්තේ එම පත්කිරීම් නිල වශයෙන් ප්රකාශ කාරීම පමණක් බවය.
අද මහනුවරදී (28) මාධ්ය හමුවේ අදහස් දක්වමින් අමාත්ය ලාල්කාන්ත කීවේ මෙවැන්නකි.
“පළාත් පාලන ආයතන වල 50 % ට වඩා මන්ත්රී ආසන ගත්ත ආයතන සම්බන්ධයෙන් අපිට ප්රශ්නයක් නැහැ. නගරාධිපති, නියෝජ්ය නගරාධිපති, සභාපති හා උපසභාපති පත් කරලා යැවීම සම්බන්ධයෙන් ප්රශ්නයක් නැහැ. ඊළඟට තිබෙන්නේ තනි පක්ෂයක් ලෙස බහුතරය ගත්ත පළාත් පාලන ආයතන යි.”
“ඒවාහි අපි තනි පක්ෂයක් ලෙස බහුතර මන්ත්රී සංඛ්යාවක් ලබාගෙන තිබෙනවා. සමහර තැන්වල විපක්ෂය කියන අලුත් පක්ෂය නියෝජනය කරන ඔක්කොම මන්ත්රීවරු එකතු කළාම අපේ පක්ෂයට වඩා වැඩියි. ”
“ප්රජාතන්ත්රවාදීව ඒවාහි බලය පිහිටුවන්න අපිට අයිතිය වැඩියි. එවැනි තැන්වල බලය පිහිටුවන්න ජනතාව අපට අයිතිය දී තිබෙනවා. අනිත් අයට ඒ අයිතිය ජනතාව දීලා නැහැ. අපිට බහුතරය තියෙද් දී අනිත් අය උත්සහ කරනවා නම් මන්ත්රීවරු එකතු වෙලා සභාවල බලය පිහිටුවන්න ඒක ප්රජාතන්ත්ර විරෝධියි. ප්රජාතන්ත්රවාදයට අනුව අපි බහුතරය ගත්ත සෑම ආයතනකම තවත් අය සම්බන්ධ කරගෙන බලය පිහිටුවනවා. ”
“ජාතික ජනබලවේගය පුළුල් කරන එක තාම අවසන් කරලා නැහැ. ජනපතිවරණය, මහමැතිවරණය, පළාත් පාලන මැතිවරණය අපි ජයග්රහණය කළා. ඒත් තාම ජාතික ජනබලවේගය පුළුල් කරලා ඉවර නැහැ. තව එක එක හැඩ අනුව මේක පුළුල් කරනවා. මේ පළාත් පාලන මැතිවරණය එක්ක ජාතික ජන බලවේගය තවත් පුළුල් කරන්න අවස්ථාව ලැබී තිබෙනවා. බහුතරය තිබෙන තැන් වල අපි අනිත් අයත් සම්බන්ධ කරගෙන බලය පිහිටුවනවා.” ඇමතිවරයා පැවසුවේය.
