පාසල් සිසුවෙකු අනතුරට පත් කර අනතුරට පත් පාසල් සිසුවා ත්රිරෝද රථයේම නංවාගෙන ගොස් අතරමග දමා ගිය ත්රිරෝද රථ රියදුරෙක් ගිනිගත්හේන් පොලිසිය විසින් අද (26) අත් අඩංගුවට ගත්තේය.
ගිනිගත්හේන පොලිසියේ ස්ථානාධිපති ප්රධාන පොලිස් පරික්ෂක විරාජ් විතානගේ පැවසුවේ ගිනිගත්හේන ප්රාථමික විද්යාලයේ පහ වසරේ අධ්යාපනය ලබන සිසුවෙකු ඉකුත් (22) දින මේ සිද්ධියට මුහුණ දුන් බවය.
ගිනිගත්හේන නගරයේ බාහිර පන්තියකට පැමිණි සිසුවා ආපසු නිවස කරා යෑමට ගිනිගත්හේන නගර මධ්යයේ මාර්ගය හරහා යැමට උත්සාහ කිරිමේදි හැටන් සිට යටියන්තොට දක්වා ධාවනය වු ත්රිරෝද රථයක සිසුවා ගැටි තුවාල ලබා තිබිණි.
තුවාල ලැබු කුඩා සිසුවා ගිනිගත්හේන රෝහල වෙත රැගෙන යන බව පවසා රියදුරා විසින් ත්රිරෝද රථයට නංවාගෙන රැගෙන ගොස් ඇත. අනතුරුව ගිනිගත්හේන කොළඹ ප්රධාන මාර්ගයේ කළුගල ප්රදේශයේදි සිසුවාට ප්රතිකාර ලබා ගන්නා රු 500 මුදලක් ලබා දි ඔහුව ප්රධාන මාර්ගය අභියස දමා මේ ත්රී රෝද රථ රියදුරා පලා ගොස් ඇති බව ගිනිගත්හේන පොලිසිය පැවසුවේය.
තුවාල ලබා ප්රධාන මාර්ගය අභියස වැටි සිටි පාසල් සිසුවාව ප්රදේශවාසින් එක්ව ගිනිගත්හේන ප්රාදේශිය රෝහල වෙත ඇතුළත් කිරිමෙන් පසු වැඩිදුර ප්රතිකාර සඳහා නාවලපිටිය දිස්ත්රික් මහ රෝහල වෙත යොමු කර ඇත.
පාසල් සිසුවා අනතුරට පත් කල ත්රිරෝද රථය සම්බන්ධයෙන් සිසිටිවි දර්ශන ඔස්සේ පරික්ෂණ පැවැත්වු ගිනිගත්හේන පොලිසිය අනතුර රියදුරා සහ ත්රිරෝද රථය අත්අඩංගුවට ගෙන තිබේ.
අත්අඩංගුවට ගත් ත්රිරෝද රථය සහ රියදුරා හැටන් මහෙස්ත්රාත් අධිකරණය වෙත ඉදිරිපත් කරන බව ගිනිගත්හේන පොලිසිය පැවසිය.
