කාශ්මීරයේ පහල්ගම් සංචාරක කලාපය තුළ සිදුවූ ත්රස්ත ප්රහාරයට සම්බන්ධ බවට සැක කෙරෙන සැකකරුවන් හය දෙනෙකු කටුනායක ගුවන්තොටුපලින් ලංකාවට ඇතුළුවීම සඳහා පැමිණීමට ඇතැයි ඉන්දියාවෙන් ලැබුණු බුද්ධි තොරතුරු අනුව අද (3) කටුනායක බණ්ඩාරනායක ජාත්යන්තර ගුවන්තොටුපළේ විශේෂ සෝදිසි මෙහෙයුමක් සිදු කරන ලදී.
පොලිසියට අනුව, සෙනසුරාදා පෙ.ව. 11.59 ට පමණ බණ්ඩාරනායක ජාත්යන්තර ගුවන්තොටුපළට ගොඩ බසින ලද චෙන්නායි සිට පැමිණි (UL 122) ගුවන් යානයෙන් මෙම සැකකරුවන් ශ්රී ලංකාවට පැමිණ ඇති බවට බුද්ධි තොරතුරු ලැබී තිබුණි.
සෝදිසි මෙහෙයුමට හේතු වූ බුද්ධි තොරතුරු ඉන්දීය බලධාරීන් විසින් සපයන ලද බව පොලිසිය පැවසීය.
සෝදිසි මෙහෙයුම ශ්රී ලංකා පොලිසිය, ශ්රී ලංකා ගුවන් හමුදාව සහ ගුවන්තොටුපළ ආරක්ෂක නිලධාරීන් විසින් ඒකාබද්ධව සිදු කරන ලදී.
කෙසේ වෙතත්, ගුවන්තොටුපළ බලධාරීන් පැවසුවේ ගුවන් යානය හොඳින් පරීක්ෂා කර ඇති බවත්, අදාළ ගුවන් යානයේ කිසිදු සැක සහිත පුද්ගලයෙකු රටට පැමිණි බවට වාර්තා නොමැති බවත්ය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
