ශ්රියානි විජේසිංහ –
දිවයිනපුරා රෝහල්වල ඖෂධ හිඟයක් නැතත් උග්ර ඖෂධ හිඟයක් පවතින බවට බොහෝ මාධ්ය මගින් සඳහන් කර ඇත්තේ කාගේ උවමනාවක් ඉටුකරන්න දැයි තමා නොදන්නා බවත් කාගේ උවමනාව ඉටුකළත් අවසානයේදී ඉන් අවාසිය සහ අයහපත සිදුවන්නේ අසරණ රෝගීන්ට බවත් නියෝජ්ය සෞඛ්ය සේවා අධ්යක්ෂ ජනරාල් වෛද්ය සැපයුම් අංශයේ අධ්යක්ෂ වෛද්ය ජී.විජේසූරිය පවසයි.
සෞඛ්ය ක්ෂේත්රය පිලිබඳව වෛරී ප්රකාශන නිකුත් කරන ඔවුන්ගේ පටු අරමුණු ඉටුකරවා දිමට බොහෝ මාධ්ය කටයුතු කරන්නේ ඇයිද යන්න ගැටලුවක් බවත් ඖෂධ නොමැතිව රෝගීන්ට ප්රතිකාර නොකර හෝ සැත්කම නොකර හරවා යැවූ බවට කිසිය් රෝහලකින් වාර්තා වී තිබේ නම් තමාව වහාම දැනුවත් කරන්නැයිද හෙතෙම ඉල්ලීමක් කරයි.
සති අන්තයේ දී පවා තමා සහ අධ්යක්ෂජනරාල් , හා සෞඛ්ය ලේකම්වරයා ඇතුලු සෞඛ්ය අමාත්යංශයේ නිලධාරින් නැගෙනහිර පළාතේ රෝහල්වල කටයුතු නිරික්ෂණය කරමින් යන බැවින් එම සෑම රෝහලක්ම පැවසුවේ ඖෂධ අවශ්ය තරම් තිබෙන බවයැයිද වෛද්ය විජේසූරිය පවසා සිටියි.
ලංකාවේම රෝහල්වල මේ වන විට ඖෂධවර්ග 100ක් පමණ හිඟව ඇති නමුත් එම ඖෂධ 100ට ආදේශක ඖෂධ රෝහල්වල තිබෙන්නේ යැයි ද රෝගී සත්කාර සේවාවන් අඩුවකින් තොරව සිදුකළ හැකි බවද හෙතෙම පෙන්වා දුන්නේය.
