කාවේරි මෙහෙයුම (ඔපරේෂන් කාවේරි) මඟින් 17 වැනි කණ්ඩායමත් සූඩාන් වරායේ සිට ජේඩා වෙතට ගෙන ආ බව සවුදි ආරාබියාවේ ඉන්දියානු තානාපති කාර්යාලය ට්විටර් සටහනක් තබමින් පවසයි.
සී 130 ජේ ගුවන් යානය මඟින් මඟීන් 135 දෙනෙකු 17 වැනි කණ්ඩායම ලෙසට රැගෙන ආ බව විදේශ කටයුතු අමාත්‍යංශයේ ප්‍රකාශක අරින්දම් බග්චි පැවසීය.
සූඩානයේ කාර්ටූම් හි ක්‍රියාත්මක වන සටහන් හේතුවෙන් සූඩානයේ මානුෂීය අර්බුදය සම්පූර්ණ ව්‍යසනයක් බවට පත්වෙමින් තිබෙන බවට එක්සත් ජාතීන්ගේ සංවිධානය අනතුරු අඟවයි. සූඩාන ගැටුම නැවැත්වීමට සටන් විරාම සඳහා එකඟ වුවත් සටන් විරාමයේ නව උල්ලංගනයන් සම්බන්ධයෙන් ප්‍රතිවාදී හමුදා එකිනෙකා චෝදනා කර ගනිති. සති දෙකකටත් වැඩි කාලයක් ඇදී යන සූඩාන යුද්ධය අසල්වැසි රටවලටත් කාන්දු වීමේ අවධානමක් තිබෙන බවද එක්සත් ජාතීන්ගේ සංවිධානය පවසා තිබේ.
සූඩානයේ වෙසෙන සියලු ඉන්දීය ජාතිකයින් යුද්ධයෙන් බේරාගෙන ඉන්දියාව යළ රැගෙන යෑම සඳහා ‘ඔපරේෂන් කාවේරි’ ක්‍රියාත්මක කරන ලදී,
“ගෙවුණු දිනවල අයිඒඑෆ් ගුවන් යානා මඟින් ඉන්දීය ජාතිකයින් 1400කට ආසන්න සංඛ්‍යාවක් සූඩානයෙන් ඉවත් කළ අතර සී 130 ජේ ගුවන් යාන දෙක්ක හරහා පුද්ගලයින් 260ක් ඉවත් කළා. ඒ අතර අවුරුදු 90ට වැඩි වැඩිහිටියන් හා 102කට වැඩි එක් අයෙකු සිටියා..” ඉන්දීය ගුවන් හමුදාව ට්විටර් සටහනක් තබා තිබිණි.
මේ වන විට සූඩාන යුධ බිමෙන් ඉවත් කළ ඉන්දියානුවන් 2300කට ආසන්න සංඛ්‍යාවක් යලි ඉන්දියාවට පැමිණ ඇති ඇතැයි විදේශ කටයුතු අමාත්‍ය එස් ජයිශංකර් පැවසූ බව ‘ZEES වෙබ් අඩවිය වාර්තා කරයි.
