එල්.ටී.ටී.ඊ සංවිධානයේ උතුරු නැගෙනහිර මූල්ය අංශයේ ප්රධානියාව සිටිමින් රටේ ආන්දොලනාත්මක සිද්ධි ගණනාවකට යුද්ධයෙන් අනතුරු වකවානුවේ දී දායක වූ නිල්කාපිල්ලේ ඇන්තනි එමිල් කාන්තන් හෙවත් කවුරුත් දන්නා එමිල් කාන්තන් ත්රස්තවාදයට අනුබල දීම සම්බන්ධව ඇති අසාධු ලේඛනයෙන් ඊයේ (23) සිට ඉවත් කිරීමට ආරක්ෂක අමාත්යාංශය පියවර ගෙන තිබේ.
ඔහු සමග මුරුගේසු ශ්රී සන්මුගරාජා ද ත්රස්වාදය සම්බන්ධ අසාධු ලේඛනයෙන් ඉවත් කර ඇත.
එමිල් කාන්තන් යනු කළුතර බන්ධනාගාරය තුළ දී හිටපු පාර්ලිමේන්තු මන්ත්රී ඩග්ලස් දේවානන්දට පහර දී බරපතල තුවාල සිදු කර බන්ධනාගාරය තුළ මරා දැමීමට සම්බන්ධවී යැයි චෝදනා ලද සැකකරුවෙකි. පසුව මේ සම්බන්ධව පැවති නඩුවෙන් ඔහු ඇතුළු 10 නිදහස් කිරිමට කොළඹ මහාධිකරණය නියෝග කළේය.
එමෙන්ම වර්ෂ 2005 ජනාධිපතිවරණයට පෙර මහින්ද රාජපක්ෂ විසින් එල්.ටී.ටී.ඊ සංවිධානයට අල්ලස් ලබා දී ඡන්ද වැලැක්වීම සිදුකළ බවට චෝදනා එල්ලවන ආන්දෝලනාත්මක ගනුදෙනුව සිදුවන්නේ එමිල් කාන්තන් හරහා බව කියැවී ඇත.
