සුමිත් පොතුපිටිය –
ඉන්දියාවේ සිට මෙරටට ගෙන්වා මහා පරිමාණයෙන් සිදුකරන මත්කරල් ජාවාරමකට සම්බන්ධ පුද්ගලයකු මත්කරල් හැත්තෑ හයදහස් නවසිය අසූවක් සහ කේරල ගංජා කිලෝවක් සමග අද අත්අඩංගුවට ගත්බව කළුතර අපරාධ කොට්ඨාසය පවසයි .
මෙසේ අත්අඩංගුවට ගෙන ඇත්තේ පානදුර , හිරණ ප්රදේශයේ පදිංචි 38 හැව්රිදි පුද්ගලයකු බව පොලිසිය කීය.
ලද තොරතුරක් මත කළුතර නගර මධ්යයේ දී සැකකරු පරීක්ෂා කොට බහා තිබූ මත්කරල් 1500 ක් සහ කේරල ගංජා කිලෝවක් සොයාගෙන සැකකරුගේ නිවස පරීක්ෂා කිරීමේදී ඉතිරි මත්කරල් තොගය සොයා ගෙන අත්අඩංගුවට ගෙන තිබේ .
භාරයට ගෙන ඇති මත්කරල් මානසික රෝගීන්ට ලබාදෙන ඖෂධයක් බවට හදුනාගෙන ඇති බවත් , පාසල් ළමුන් සහ උපකාරක පංති සිසුන් ඒවා මිළදී ගැනීමට වැඩි රුචිකත්වයක් දක්වන බවත් පොලිසිය විසින් හදුනාගෙන තිබේ.
මෑත කාලයේ එකවර අත්අඩංගුවට ගෙන ඇති වැඩිම මත්කරල් තොගය මෙය බව වැටලීමට එක් වූ උසස් නිලධාරියෙක් පැවසීය.
සැකකරු කළුතර මහේස්ත්රාත් අධ්කරණයට ඉදිරිපත් කිරීමට නියමිතව තිබූණි .
අධ්යක්ෂක ජේෂ්ඨ පොලිස් අධිකාරී ජී ජේ නන්දන සහ සහකාර පොලිස් අධිකාරී යූඩීඑල් ක්රිෂාන්තගේ උපදෙස් පරිදි ස්ථානාධිපති පොලිස් පරීක්ෂක තිලංග සංජීවගේ මෙහෙයවීමෙන් උප පොලිස් පරීක්ෂකවරුන්වන උපුල් හර්ෂ , කේ එම් ඩී මධුෂාන් ,සැරයන් වරුන්වන ප්රසන්න (69479), ජයසුරිය (69615) සහ කොස්තාපල් තුෂාර (79335) වැටලීමට එක්වූහ
