උතුරු පළාතේ ඇතිවන කෘෂිකාර්මික ක්ෂේත්රයේ තනතුරු පුරප්පාඩු පිරවීමේදී LTTE සංවිධානයේ පුනරුත්ථාපනය වූ පවුල්වල සාමාජිකයන්ට සුදුසුකම් අනුව ප්රමුඛතාව ලබා දීමට අවධානය යොමු කරන බව කෘෂිකර්ම ඇමති මහින්දානන්ද අලුත්ගමගේ පැවසීය.
අමාත්යවරයා මේ බව ප්රකාශ කළේ LTTE සංවිධානයට සම්බන්ධව සිට පුනරුත්ථාපනය වූ පිරිසක් ඊයේ (10) කෘෂිකර්ම අමාත්යාංශයට පැමිණ අමාත්යවරයා හමුවු අවස්ථාවේ දීය
මෙහි දී උතුරු පළාතේ ජනතාව ආර්ථික වශයෙන් සවිබල ගැන්වීම සඳහා කෘෂිකාර්මික කටයුතුවලට සහය වීමට තමන් සූදානම් බව කී කෘෂිකර්ම ඇමතිවරයා කෘෂිකාර්මික වශයෙන් මිරිස් වගාවට යොමු වීමට කැමති උතුරු පළාතේ තරුණ තරුණියන්ට ඒ සඳහා අවශ්ය ඉඩම් හා ආධාර ලබා දීමට කටයුතු කළ හැකි බවද කීවේය.
අමාත්යවරයා හමුවු මේ පිරිස තමන් මුහුණ දී සිටින ආර්ථික, සමාජයීය හා ජිවන ගැටළු සම්බන්ධයෙන් අමාත්යවරයා සමඟ දිර්ඝ වශයෙන් කරුණු සාකච්ඡා කළහ. ඊට අදාළ සංදේශයක් ද අමාත්යවරයාට බාර දුන්නේය.
මෙහිදී අමාත්යවරයා අවධාරණය කළේ කෘෂිකාර්මික ප්රදේශයක් වන උතුරු පළාතේ තරුණ පිරිස ඊට යොමු වන්නේ නම් ඔවුන්ට අක්කර භාගයක් බැගින් ඉඩම් ලබා දී ඊට අවශ්ය රෝපණ ද්රව්ය, පොහොර, ජලය හා ආරක්ෂිත ගෘහයන් ද කෘෂිකර්ම අමාත්යාංශය මඟින් ලබා දීමට පියවර ගත හැකි බවය.
