ජයකාන්ත ලියනගේ – බළපිටිය-
ඊශ්රායලයේ ශ්රී ලංකා තානාපති කාර්යාලය ඊශ්රායලයේ සිටින ශ්රී ලාංකිකයන්ගේ ආරක්ෂාව පිළිබඳව නිරන්තර අවධානයෙන් පසුවන බවත් ඔවුන්ගේ ආරක්ෂාව සම්බන්ධයෙන් අනවශ්ය බියක් ඇතිකර නොගන්නා ලෙසත් ඊශ්රායලයේ ශ්රී ලංකා තානාපති කාර්යාලය අද (15) සහ ඊයේ (14) නිවේදන දෙකක් නිකුත් කරමින් සදහන් කර තිබේ.
ඊශ්රයාලයේ ශ්රී ලංකා තානාපති නිමල් බණ්ඩාර සිය මුහුණු පොතේ සටහනක් තබමින් ප්රකාශ කරන්නේ ඉරාන මිසයිල ප්රහාරය හේතුවෙන් ඊශ්රායලය දක්වා පැමිණීම තාවකාලිකව නැවතා දමා තිබු වාණිජ ගුවන් යානා නැවත ආරම්භ කිරීමට බොහෝ ගුවන් සමාගම් කටයුතු කර ඇති බවය.
මේ අනුව ශ්රී ලංකාවේ සිට ඊශ්රායලටත්, ඊශ්රායලයේ සිට ශ්රී ලංකාවටත් පැමිණීමට බලාපොරොත්තුවන පිරිස් තම ගුවන් ගමන් ඒජන්තවරයාගෙන් අදාළ ටිකට්පත්වල නැවත ගමන් වාරයන් පිළිබඳව විමසිය හැකි බව ඔහු දන්වයි.
ඉරානය විසින් ඊශ්රායලය වෙත අප්රේල් 13 දින රාත්රී ෂෙල් හා මිසයිල ප්රහාර 500 කට වඩා එල්ල කර ඇතත් ඒ බහුතරය ගුවනේදී විනාශ කිරීමට ඊශ්රායල් ගුවන් ආරක්ෂක පද්ධතිය සමත් වී තිබෙන බවත් කුඩා දැරියකට සිදු වූ තුවාලයක් හැරුණු විට ඊශ්රායලයේ වෙනත් කිසිදු අයෙකුට එම ප්රහාරයෙන් අනතුරක් සිදුව නොමැති බවත් එම තානාපතිවරයා දන්වා සිටී.
ඊශ්රායලයේ දැනට පවතින තත්ත්වය සම්බන්ධයෙන් බොහෝ ශ්රී ලාංකික හිතවතුන් හා මාධ්ය දැඩි අවධානයක් යොමු කරන බැවින් මෙම පනිවුඩ නිකුත් කරන ලද බව නිමල් බණ්ඩාර පවසා ඇත.
ඔහු සිය මුහුණු පොතේ ඊයේ තැබූ පණිවිඩය පහත දැක්වේ.
