ඉන්දියාවේ භෝජ්පූරි හි ප්‍රකට නිළියක වූ ආකන්ක්ෂා දුබේ උත්තර් ප්‍රදේශ් ප්‍රාන්තයේ සාරානාත් හි හෝටල් කාමරයක මියගොස් සිටියදී අද (26) උදේ සොයා ගත් බව පොලිසිය පවසයි.
නිරූපිකාවක ලෙස ක්ෂේත්‍රයට පැමිණ නිළියක වූ අකන්ක්ෂා සියදිවි නසා ගැනීමකින් මිය ගිය බවට පොලිසිය සැක කරන නමුත් මෙතෙක් ඒ පිළිබඳ කිසිදු නිශ්ඡිත සාක්ෂියක් සොයා ගැනීමට නොහැකි වූ බව පොලිසිය කියයි.
මිය යන විට ආකාන්ෂා ඩුබේ 25 හැවිරිදි වියේ පසු වූවාය. ඇය උපත ලැබුවේ 1997 ඔක්තෝබර් 21 වැනිදාය.
ජනප්‍රිය සමාජ මාධ්‍ය චරිතයක් වන ඇයට Instagram හි අනුගාමිකයින් මිලියන 1.7 ක් සිටියේය. ඇය නිතිපතා ඡායාරූප ඡායාරූප හා වීඩියෝ පල කරමින් සිය සමාජ මාධ්‍ය භූමිකාව යාවත්කාලීන කළ තරුණියකි.
පොලිසිය පවසන්නේ ආකන්ක්ෂා දුබේ සාරානාත් හි චිත්‍රපට රූගත කිරීමක් සඳහා පැමිණ සිටි බවය..
ඇය බොජ්පූරි හි නළුවෙකු සහ ගායකයෙකු වන සමර් සිං සමඟ පෙම් සබඳතාවක් පවත්වන බවට ප්‍රකාශ වී තිබිණි. ඇය වෘත්තීයමය වශයෙන් ද සමර් සිං සමග සහයෝගයෙන් කටයුතු කර ඇත.
කෙසේ වෙතත් ඊයේ රෑ ආකන්ක්ෂා ඉන්ස්ටග්‍රෑම් වෙත සජීවීව පැමිණ තිබිණි. අතිශය වේදනාකාරී මුහුණුවරකින් පසුවුන ඇය හිටිවනම ඉකි ගසමින් අඬන්නට වූවාය. එම සජීවි අවස්ථාව පටිගත කළ ඇයගේ රසිකයෙක් අද එය සිය ට්විටර් ගිනුවේ පළ කර තිබිණි.
भोजपुरी अभिनेत्री आकांक्षा दुबे ने वाराणसी के होटल में फांसी लगाकर जान दी।
कल देर रात आकांक्षा इंस्टाग्राम पर लाइव आई थीं, उस वक्त वह रो रही रहीं थी, उसी वक्त मैंने ये वीडियो स्क्रीन रिकॉर्ड कर लिया था..#akankshadubey #bhojpuriactress pic.twitter.com/0UJuYtT9O2
— Aman Tiwari (@amantiwari_) March 26, 2023
මරණය සම්බන්ධව පොලිසිය වැඩිදුර පරීක්ෂණ පවත්වයි.
