ඉරානය තුල මේවන විට ඇතිව තිබෙන දැඩි ජන විරෝධයට සහය පළ කරමින් ඇෆ්ගනිස්ථානය තුලද විරෝධතා මාලාවක් ආරම්භ වී තිබේ.
ඒ අනුව ඇෆ්ගනිස්ථානය තුල සිටින කාන්තා ක්රියාකාරීන්ගේ නායකත්වයෙන් එරට පිහිටි ඉරාන තානාපති කාර්යාලය ඉදිරිපිට මෙම විරෝධතා මාලාව පවත්වා ඇති බවට එරට මාධ්ය වාර්තා සඳහන් කරයි.
ඇෆ්ගනිස්ථානය පුරා මෙම විරෝධතා ඇති වීමට මූලික හේතුව වී ඇත්තේ එරට තලේබාන් නායකයාගේ මාධ්ය ප්රකාශක විසින් එරට කාන්තාවන්ට ඉස්ලාම් ආගමේ වටිනාකම් මත පදනම්ව අයිතීන් ලබා දෙන බවට ප්රකාශ කිරීමයි.
මෙහිදී විරෝධතා වලට එක්වූ කාන්තා ක්රියාකාරිනියක් වූ ෂුක්රියා මාධ්ය වෙත පවසා ඇත්තේ, ‟අපි මෙහිදී අපේ හඬ අවදි කරන්න තීරණය කරනු ලැබුවේ ඉරානයේ මාෂා මගේ අපෙත් විශාල පිරිසක් අවසනාවන්ත විදිහට වින්දිතයන් බවට පත්ව තිබෙන නිසයි.” යනුවෙනි.
මෙම විරෝධතා වලට එක්වූ කාන්තාවන් විසින් ‟කාන්තාව, ජීවිතය, සහ නිදහස” යනුනේ සටන් පාඨ කියමින් සිය විරෝධතාවය පවත්වා ඇති බවට ඇෆ්ගනිස්ථාන මාධ්ය සඳහන් කරයි.
පසුගියදා ඉරානයේ 22 හැවරිදි මාෂා අමිනි ගේ මරණයත් සමගම ඉරානය පුරා දැඩි විරෝධතාවයක් ඇතිවිය. මෙම විරෝධතාවය ඉරානය තුල ක්රියාත්මක පාලන ක්රමය සම්බන්ධයෙන් දැඩි විවේදනයක් එල්ලවිය. එහිදී බහුතරයක් කාන්තාවන් හිස ආවරණයන් ඉවත් කරමින් සහ කොන්ඩය කපා දමමින් විරෝධතාවය පළකරන අයුරු දැක ගැනීමට හැකිවිය.
මෙම විරෝධතා මේවන විට ජාත්යන්තර අවදානයද දිනා ගැනීමට සමත්ව ඇති අතර එය බටහිර රටවල් සීඝ්රයෙන් පැතිරයමින් තිබේ. මෙහිදී ඉරාන පාලනය ක්රමය සහ එහිදී කාන්තාවන්ට ඇතිවන බලපෑම් සම්බන්ධයෙන් ජාත්යන්තර මට්ටමදේ දැඩි කතා බහකටද ලක්ව ඇත.
