දිනසේන රතුගමගේ –
මාර්තු මස 3 හා 4 යන දිනවලදී පැවැත්වෙන කච්චතීව් වාර්ෂික මංගල්ලයේදී උතුරේ ධීවර කටයුතු සම්බන්ධයෙන් කිසිදු ආකාරයක දේශනාවක් නොකරණ ලෙස යාපනය රදගුරු හිමිපාණෝ ඉල්ලීමක් කරති.
එමෙන්ම මෙවර කච්චතීව් මංගල්ල දිනයේදී වාර්ෂිකව සිදු කෙරෙන ඉන්දීය හා ශ්රී ලාංකික ධීවර සංගම් අතර සාකච්ඡාවද අත්හිටුවා තිබේ.
මෙම සාකච්ඡාව කච්චතීව් දූපතේ අයිතිය ශ්රී ලංකාවට බාර දුන් දිනයේ සිට පැවැත්වෙන අතර එහිදී දෙරටේ ධීවරයින්ට බලපාන ප්රශ්න සම්බන්ධයෙන් සාකච්ඡා කොට ඔවුන්ගේ යහපත වෙනුවෙන් බොහෝ තීරණ ගනු ලබයි.
මෙවර දෙරටේ ධීවරයින් අතර විශේෂ සාකච්ඡාව නොපැවැතුණත් රාමේස්වරන් ධීවර සංගමයේ නායකයින් කීප දෙනෙකුම කච්චතීව් වාර්ෂික මංගල්ලයට සහභාගී වීමට නියමිතය.
ශාන්ත අන්තෝනී මුනිඳුන් යනු ධීවර කර්මාන්තයට අධිපති දෙවියා ලෙස ධීවරයින් ලෙස සලකන අතර කච්චතීව් දූපතේ පිහිටා ඇත්තේ ශාන්ත අන්තෝනී මුනිදුන්ගේ දේවස්ථානයකි.
ධීවර කර්මාන්තය ආශ්රිතවම මෙම කච්චතීව් දූපතේ සියලු කටයුතු සිදු වූවත් මෙවර ධීවර ප්රශ්න ගැන කච්චතීව් මංගල්ලයේදී සාකච්ඡා නොකරන්නේ ඉන්දීය ධීවර යාත්රාවලට උතුරු මුහුදේ මසුන් මැරීමට අවසර ලබා දීමට ගෙන ඇති තීරණය නිසා බව උතුරේ එක්සත් ධීවර සංගමය ප්රකාශ කොට සිටියි
