කථානායකයා වශයෙන් තමන් පළමුව සංචාරය කරන රට ලෙස ලොව විශාලතම ප්රජාතන්ත්රවාදී රාජ්ය වන ඉන්දියාව තොරාගත් බව ඊශ්රායලයේ නෙසෙට් කථානායක අමීර් ඔහානා පැවසුවේය.
ඉන්දියාව මේවන විට ඉතා වේගවත් ප්රගතියක් ලබා ඇති බවත් එය සියලු දෙනාට ඉතා වැදගත් ආදර්ශයක් බවද හෙතෙම පැවසීය. ඔහානා පැවසුවේ ඉන්දියාව සහ ඊශ්රායලය නායකයින් අතර විශාල සම්බන්ධතාවයක් මෙන්ම ජනතාව අතර සහ පාර්ලිමේන්තු අතර විශාල නව සම්බන්ධතාවයක් ඇති බවයි.
නෙසෙට් යනු ඊශ්රායලයේ ඒකමණ්ඩල පාර්ලිමේන්තුව සහ රාජ්යයේ උත්තරීතර අධිකාරියයි. එය ප්රජාතන්තවාදී පාලනය පවත්වා ගැනීමට ඉතාම වැදගත් අංගයක් ලෙස හැඳින්විය හැකිය.
“මම කථානායක ලෙස පත්වීමනේ පසු සංචාරය කිරීමේදී මගේ පළමු ගමනාන්තය ලෙස ඉන්දියාව තෝරා ගත්තේ එය ලෝකයේ විශාලතම ප්රජාතන්ත්රවාදය වන නිසාත්, මෑත වසරවල එය වේගයෙන් ප්රගතියක් ලබන සහ මෑත වසරවලදී අපේ රටවල් දෙක අතර සම්බන්ධතාවය ඉතා විශාල නිසාත්ය. ඒ වගේම කිසිම දිනෙක නෙසෙට් කථානායකයෙක් ඉන්දියාවේ සංචාරය කර නොමැති වීමත් මෙම සංචාරයට ප්රධාන හේතුවෙක් වුනා,” යනුවෙන් ඔහානා පැවසීය.
“ මෙම හේතු නිසාම මේ සංචාරය දෙරටටම ඓතිහාසික සංචාරයක් වෙනවා. මට ඉන්දීය ජනාධිපතිවරයා, උප සභාපතිවරයා හමුවුනා. ඉහළ මන්ත්රී මණ්ඩලයේ කථානායකවරයා සහ කථානායකවරයා ද ලෝක් සභාව ඉහළ සමාජිකයින්ද මම හමුවානා. එහිදී පාර්ලිමේන්තු දෙක අතර සම්බන්ධතා වර්ධනය කිරීමට අදාල අවබෝධතා ගිවිසුමක්ද අත්සන් කළා″ යනුවෙන්ද ඔහු ප්රකාශ කළේය.
ඉන්දියාව ඊශ්රායලයේ සමීප මිතුරෙකු බවත් දෙරට අතර ඉතා ශක්තිමත් ද්වීපාර්ශවීය සම්බන්ධතා පවතින බවටද මෙහිදී කතානායකයා වැඩිදුරටත් සඳහන් කළේය.
