අද (01) අලුයම මහාරාෂ්ට්ර ප්රාන්තයේ අධිවේගී මාර්ගයක දී පොදු ප්රවාහන සේවයේ යෙදුණු බස් රථයක් ගිනි ගැනීමෙන් කුඩා දරුවන් තිදෙනකු ඇතුළු 25 දෙනෙකු මිය ගොස් තවත් අට දෙනෙකු තුවාල ලබා ඇත.
පූනේ බලා ධාවනය වෙමින් තිබූ බස් රථයේ පුද්ගලයන් 33 දෙනෙකු පමණ ගමන් කරමින් සිට ඇති අතර, අධිවේගී මාර්ගයේ අලුයම 1.30 ට පමණ මෙම අනතුර සිදුව ඇති බව නිලධාරීහු පවසති.
අධිවේගී මාර්ගයේ කණුවක ගැටීමෙන් බස් රථය පෙරළී ගොස් ගිනිගෙන ඇති බව පොලිසිය සඳහන් කළේය.
සිද්ධියෙන් දිවි ගලවා ගත් බස් රථයේ රියදුරු පැවසුවේ ටයරය පුපුරා යාමෙන් පසු බස් රථය කණුවේ වැදුණු බවයි.
“අනතුරින් 25 දෙනෙකු පිළිස්සී මිය ගිය අතර, බස් රථ රියදුරු ඇතුළු තුවාල ලැබූවන් ප්රතිකාර සඳහා රෝහලට යවා ඇති බව බුල්දාන, පොලිස් අධිකාරී සුනිල් කඩසානේ පැවසීය.
“මේ මොහොතේ ප්රමුඛතාවය වන්නේ මළ සිරුරු හඳුනාගෙන ඔවුන්ගේ පවුලේ සාමාජිකයින්ට භාර දීමයි,” කඩසානේ පැවසීය.
ප්රධාන අමාත්ය එක්නාත් ෂින්ඩේ අනතුර සම්බන්ධයෙන් සිය කනගාටුව ප්රකාශ කර ඇති අතර මියගිය පුද්ගලයන් සඳහා රුපියල් ලක්ෂ 5 බැගින් වන්දි මුදලක් ලබා දෙන බවට ප්රකාශයට පත් කර තිබේ.
