ඉන්දීය නාවික හමුදාවට අයත් අධිවේගී බෝට්ටුවක් මුම්බායි වෙරළට ඔබ්බෙන් යාත්රා කරමින් තිබූ මගී යාත්රාවක ගැටීමෙන් නාවික හමුදා සාමාජිකයින් 03ක් ඇතුළු 13 දෙනෙකු මිය ගොස් ඇතැයි ඉන්දීය මාධ්ය වාර්තා කරයි.
අනතුර සිදුවි තිබුණේ ඊයේ පස්වරු 4ට පමණය. මුම්බායි වරායෙන් ගමන් ආරම්භ කර තිබුණ නීල්කමල් නැමැති ෆෙරි යාත්රාව මුම්බායි අසල ජනප්රිය සංචාරක ගමනාන්තයක් වන එලිෆන්ටා දූපත් වෙත යමින් සිටියදී අධිවේගී යාත්රාව එහි ගැටී ඇති බවත් ඒ වනවිට එම යාත්රාවේ 110කට වැඩි මගින් ප්රමාණයක් ගමන් ගනිමින් සිටි බවත් අනාවරණය වි ඇත.
ක්රියා විරහිතව තිබූ එන්ජිමක් සහිත අධිවේගී ප්රහාරක යාත්රාවක කාර්මික දෝෂයක් නිවැරදි කිරීම සඳහා අත් හදා බැලීමක් සිදුකරමින් සිටිය දී පාලනයෙන් මිදුන එම අධිවේගී යාත්රාව මගී බෝට්ටුවේ වැදී මෙම අනතුර සිදු වූ බව නාවික හමුදාව ඉන්දිය නාවික හමුදාව සිය X ගිනුමේ සටහන් කර තිබිණි.
“මේ වන විට මරණ 13ක් වාර්තා වී ඇත. සිද්ධිය වූ ස්ථානයෙන් දිවි ගලවා ගත් අය අවට රෝහල් වෙත ගෙන ගොස් තිබේ. නාවික හෙලිකොප්ටර් යානා 4ක්, නාවික යාත්රා 11ක්, වෙරළාරක්ෂක බෝට්ටුවක් සහ සමුද්ර පොලිස් යාත්රා තුනක් සෝදිසි කිරීම් සහ ගලවා ගැනීමේ මෙහෙයුම් වහා දියත් කර ඇත. ” නාවික හමුදව වැඩි දුරටත් ප්රකාශ කර තිබිණි.
මහාරාෂ්ට්ර මහ ඇමති දේවේන්ද්ර ෆඩ්නාවිස් පැවසුවේ මෙම අනපේක්ෂිත අනතුරට ලක් වූ පුද්ගලයන් 101 දෙනෙකු බේරා ගත් බවය. මිය ගිය පිරිස අතර සිවිල් වැසියන් 10 දෙනෙකු සහ නාවික හමුදා සාමාජිකයින් තිදෙනෙකු ද සිටින බවත් අනතුරට ලක්වූවන් සුවපත් කිරීම සදහා උපරිම මැදිහත්වීම සිදුකරන බවත් ඔහු පැවසුවේය.
