ණය පහසුකම් අවසන් වූ පසු ශ්රී ලංකාවට ඉන්ධන සැපයීම සඳහා ඉන්දියාව සැපයුමට අදාල අත්තිකාරම් මුදලක ගෙවීමක් අපේක්ෂා කරන බව බ්ලූම්බර්ග් වෙබ් අඩවිය වාර්තා කරයි.
ඉන්දියාව ණය පදනම මත පෙට්රල් සහ ඩීසල් සැපයීම නවත්වන්නේ දරුණුතම ආර්ථික අර්බුදය මධ්යයේ ඉන්ධන මිලදී ගැනීම සඳහා ශ්රී ලංකාවට ඩොලර් අවසන් වී ඇති පසුබිමක බව එම වෙබ් අඩවිය කියයි.
එහි මෙසේ ද සඳහන් වේ.
ආහාර, ඖෂධ සහ ඉන්ධන සඳහා පසුගිය මාස කිහිපය තුළ ඉන්දියාව ඩොලර් බිලියන 3.5 කට අධික ආධාරයක් ශ්රී ලංකාවට ලබා දී තිබිණි.
විදේශ විනිමය සංචිත ක්ෂය වී ඇති ශ්රී ලංකාව ඉන්ධන මිලදී ගැනීම් සඳහා ඩොලර් මිලියන 500 ක ණය මාර්ගයකට ඉන්දියාවෙන් නව අනුමැතියක් බලාපොරොත්තු විය. ශ්රී ලංකා රජය නව සැපයුම් ලබා ගැනීම සඳහා කටාර් වෙත නියෝජිතයන් යවා ඇති අතර රුසියාවෙන් තෙල් ද සොයමින් ඇත.
කෙසේ වෙත් ඉන්දියාවේ විදේශ කටයුතු අමාත්යාංශයේ ප්රකාශකයෙක් මේ අපේක්ෂාව සම්බන්ධව ක්ෂණික ප්රකාශයක් සිදුකර නොතිබුණි.
ඉන්දියන් ඔයිල් සමාගම විසින් මාර්තු සහ ජූනි අතර කාලය තුළ පෙට්රල් සහ ඩීසල් ටොන් 450,000ක් පමණ ලංකා ඛනිජ තෙල් නීතිගත සංස්ථාව වෙත ලබා දී ඇති බව සමාගමේ ප්රකාශකයෙක් පැවසීය.
ඉන්ධන අර්බුධය හේතුවෙන් ඉන්ධන ඉතිරි කර ගැනීම සඳහා රජයේ පාසල් සහ කාර්යාල ජුලි 10 වනදා දක්වා වසා දමා ඇත.,
ඉන්ධන පිරවුම්හල් නැවත පිරවීම සඳහා වාහන දහස් ගණනක් දිගින් දිගටම සැතපුම් ගණන් පෝලිම්වල රැඳී සිටිති.
බංකොලොත් ශ්රී ලංකාව, ලංකා ඛනිජ තෙල් හිඟය සමනය කිරීම සඳහා කල්තියා ඩොලර් ගෙවිය හැකි සමාගම්වලට සහතික කළ ඉන්ධන කෝටාවක් පිරිනමා ඇති බවත්, බොහෝ ආර්ථික ක්රියාකාරකම් අඩාල කර ඇති අර්බුදය සමනය කිරීම සඳහා විදේශීය සමාගම්වලට ඉන්ධන බෙදා හැරීමට ඉඩ දීමට සැලසුම් කර ඇති බවත් බ්ල්ම්බර්ග් කියයි.
බ්ලූම්ර්ග් ප්රවෘත්තිය –
