අවුරුදු බෝනස් ලබා නොදීම සම්බන්ධව මාතර, වැලිගම, උඩුකාව පිහිටා ඇති වෝග් ටෙක්ස්ක් පෞද්ගලික ඇඟලුම් කර්මාන්ත ශාලාවේ ඇති වී ඇති සේවක නොසන්සුන්තාවය විසඳීම සදහා කම්කරු අමාත්යාංශ ලේකම්වරයාට සහ කම්කරු කොමසාරිස්වරියට මැදිහත්වන ලෙස දන්වා ඇතැයි කම්කරු නියෝජ්ය අමාත්ය මහින්ද ජයසිංහ අද (09) පාර්ලිමේනේතුවේ දි පැවසුවේය.
ඇමරිකානු තීරු බදු ප්රතිපත්තිය ක්රියාත්මක වීමත් සමග කර්මාන්ත ශාලාවේ පාලන අධිකාරිය නිවේදනය කර තිබුණේ මෙවර අවුරුදු බෝනස් ලබා දිය නොහැකි බවය. එයට එරෙහිව සේවක පිරිස ඊයේ සිට විරෝධතාවයක් ආරම්භ කර තිබිණි.
දැනට මාතර වැලිගම වෝග් ටෙක්ස් කියන ආයතනයේ 1244ක් වැඩ කරන සේවකයින් ඊයේ දවස සිට වැඩ වර්ජනයක නිරත වෙලා ඉන්නවා. ඒකට ප්රධානම හේතුව වෙලා තියෙන්නේ ඔබතුමා මතු කරපු කාරණය.
ඇමරිකානු බදුත් එක්ක මෙම ආයතනය ප්රකාශ කරලා තියනවා බෝනස් දෙන්න විදිහක් නෑ කියලා. කෙසේ වෙතත් ඊයේ දවසේ සාකච්ඡාවක් තිබ්බා කම්කරු කාර්යාලය මාතර. අද දවසේත් නැවත සාකච්ඡාවක් තියනවා.
අපි අමාත්යාංශ ලේකම් තුමාටත්, කම්කරු කොමසාරිස් ජනරාල් තුමියටත් උපදෙස් දීලා තියනවා මේ සම්බන්ධයෙන් කඩිනමින් මැදිහත් වෙලා කටයුතු කරන්න කියලා. මොකද අපි හිතනවා මේ කාරණය මේ සිද්ධියට අදාල නෑ කියලා. නමුත් අපි උපදෙස් දීලා තියනවා මේ ප්රශ්නයට මැදිහත් වෙලා එය නිරාකරණය කරන්න කියලා.
අවුරුදු බෝනස් ලබා නොදිම සම්බන්ධව එම ඇඟලුම් කම්හලේ සේවකයින් ප්රධාන ප්රවේශය වසා දමා නිලධාරීන් නිවාස අඩස්සියට පත් කර ඊයේ දිනයේ සිට මේ දක්වා උද්ඝෝෂණයක නිරත වෙමින් සිටිති.
මේ වනවිට විශේෂ පොලිස් ආරක්ෂාවක් ද අදාළ කර්මාන්තශාලාවට යොදවා තිබේ
