තුෂාරී කුළුබෝවිල –
“මැන්ඩුවොස්” සුළි කුණාටුව හේතුවෙන් ඉන්දියාවේ සිට විෂ සහිත අංශුමය ද්රව්යයක් ශ්රී ලංකාවට ඉහළ අහසේ පතිතවී ඇතැයි ජාතික ගොඩනැගිලි පර්යේෂණ ආයතනයේ පරිසර අංශයේ අධ්යක්ෂ සරත් ප්රේමසිරි කීවේ ය.
මෙම කුඩා අංශුමය ද්රව්ය ස්වසන ආබාධ සහිත පුද්ගලයින්ගේ ස්වසන අපහසුතා වැඩි කිරීමට හේතු වන බවත්, ඔවුන් හැකිතාක් මුව ආවරණ පැළඳ, නිවෙස් තුළ ම රැඳී සිටින ලෙසත් අවධාරණය කෙරේ.
“මැන්ඩුවොස්” සුළි කුණාටුව ගිනිකොනදිග බෙංගාල බොක්ක මුහුදු ප්රදේශයේ ත්රිකුණාමලය සිට කි.මී. 370ක් පමණ නැගෙනහිර දෙසින් පවතින අතර එම සුළං ධාරා මගින් ඉන්දියාවට ඉහළ වායුගෝලයේ රැඳී ඇති වායු ධාරා ශ්රී ලංකාව දෙසට රැගෙන එන බව සරත් ප්රේමසිරි කීවේ ය.
මේ හේතුවෙන් දිවයිනේ බොහෝ ප්රදේශවල අහස වලාකුළින් බරව පවතින්නේ වැහි වළාකුළු නිසා නොව මෙම කුඩා අංශුමය ද්රව්ය නිසා බව ද ඔහු අවධාරණයෙන් කළේ ය.
තවද පරිසර අමාත්යාංශයේ දර්ශකයන් අනුව අද කොළබ නගරයේ වායු තත්ත්ව දර්ශකය ‘සෞඛ්යට අහිතකර ‘ ලෙස දක්වා ඇත. එය සංවේදී පුද්ගලයින්ගේ සෞඛ්යට අහිතකර’ ඛාන්ඩයට වැටේත
අනිවාර්යෙන් මුව ආවරණයක් පළඳින ලෙසත් විශේෂයෙන් නිධන්ගත ස්වසන රෝග වලින් පෙලෙන පුද්ගලයින් මේ සම්බන්ධව වැඩි අවධානයක් යොමු කරන ලෙස අවධාරණය කර ඇත.
“මැන්ඩුවොස්” සුළි කුණාටුව බටහිරට බරව වයඹ දෙසට ගමන් කර හෙට (09 වැනිදා) රාත්රීයේ නිරිත දිග බෙංගාල බොක්ක හරහා උතුරු තමිල්ණාඩු, පුදුචේරි සහ දකුණු ආන්ද්ර ප්රදේශ් වෙරළ තීරය හරහා ගමන් කරනු ඇතැයි කාලගුණ විද්යා දෙපාර්තමේන්තුව පවසන අතර ඒ සමග ම කුඩා අංශු ද සුළි කුණාටුව සමග යළි ඉන්දියාවට ම ගමන් කරනු ඇතැයි ද ඔහු පැවසුවේය.
එතෙක් එළිමහන් ස්ථානවල වැඩි වශයෙන් නොරැඳී සිටින ලෙස අවධාරණය කෙරේ.
