මනම්පිටිය නිමල් ජයරත්න –
වාලච්චේන පූනානි ප්රදේශයේ අවුරුදු 19 ක තරුණයෙකුට පහර දී මරා ඇති බවට සැකකරන 17 වියති තරුණයෙකු ඊයේ (16) සවස අත්අඩංගුවට ගත් බව වාලච්චේන පොලිසිය කියයි.
මෙලෙස ඝාතනයට ලක්ව ඇත්තේ වාලච්චේන පූනානි ගම්මානයේ පදිංචි එක්දරු පියෙකු වන, අවිශ්ක කුමාර රත්නම් යන අය බව ඒ පිළිබඳ පරීක්ෂණ සිදුකරන වාලච්චේන පොලිස් ස්ථානාධිපති ප්රධාන පොලිස් පරීක්ෂක ලසන්ත බණ්ඩාර අප කළ විමසීමකදී සඳහන් කළේය.
අත්අඩංගුවට ගත් සැකකරුත් පූනානි ගම්මානයේම පදිංචි අයෙකු බවත්, ඔහු මනම්පිටිය මහවැලි ගඟේ කුලියට වැලිගොඩ දමන කම්කරුවෙකු වන අතර මියගිය අයද කුලී වැඩ කරමින් එම ගම්මානෙම සැකකරු සමග මිත්රකම් පවත්වමින් ජීවත් වූ අයෙකු බවත් පරීක්ෂණ සිදු කරන වාලච්චේන පොලිසිය පවසයි.
මළ සිරුර හමුවී ඇත්තේ ප්රධාන මර්ගය අසල තිබියදී ය. මෙම පුද්ගලයාට පහරදී මරණයට පත් කිරීමෙන් අනතුරුව ඝාතනය වසන් කිරීම සඳහා, ප්රධාන මාර්ගයට ගෙනත් දැමුවේද යන්න පිළිබඳව සැකයක් පවතින බවත්, ඒ සම්බන්ධයෙන් පුළුල් පරීක්ෂණ ආරම්භ කර ඇති බවත් , වාලච්චෙන පොලිස් ස්ථානාධිපති පොලිස් පරීක්ෂක ලසන්ත බණ්ඩාර වැඩිදුරටත් කීවේය.
මෙම මරණය සම්බන්ධෙන් වැඩිදුර පරීක්ෂණ වාලච්චේන පොලිස් ස්ථානාධිපති ප්රධාන පොලිස් පරීක්ෂක ලසන්ත බණ්ඩාර ඇතුළු පොලිස් නිලධාරී කණ්ඩායමක් විසින් සිදුකරයි.
