සචිත්ර පෙරේරා –
ගෝඨාභය රාජපක්ෂ රජය විසින් අවලංගුකළ ජපාන සැහැල්ලු දුම්රිය ව්යාපෘතිය යළි ආරම්භ කිරීමට නම් ව්යාපෘතිය වෙනුවෙන් ජපානය මේ දක්වා වැය කළ මුදල ශ්රී ලංකාව විසින් ගෙවා දැමිය යුතු බව ජපාන මුදල් ඇමති සුසුකි ෂුනිච් විපක්ෂ නායක සජිත් ප්රේමදාස සහ සමගි ජන බලවේග මන්ත්රීවරුන් හමුවූ අවස්ථාවේ දී සඳහන් කළ බව සමගි ජන බලවේගයේ අභ්යන්තර ආරංචි මාර්ග සඳහන් කරයි.
මෙම සැහැල්ලු දුම්රිය ව්යාපෘතිය ආරම්භ කිරීමට ජපාන රජය වෙනුවෙන් ජයිකා ආයතනය විසින් තක්සේරු වාර්තා සැකසීම සහ විශේෂඥ දැනුම සහ වෙනත් යටිතල පහසුකම් වෙනුවෙන් වැය කළ රුපියල් බිලියන ගණනක මුදල ශ්රී ලංකා රජය විසින ්ගෙවා දැමිය යුතු බව ජපන් මුදල් ඇමති සුසුකි ෂුනිච් පවසා ඇතැයි එම ආරංචි මාර්ග තහවුරු කරයි.
කෙසේ වෙතත් ජපානය යළි ශ්රී ලංකාවේ ආයෝජන ව්යාපෘති ආරම්භ කිරීමට බලාපොරොත්තුවන බවත්, ඒ වෙනුවෙන් ජපාන රජයේ සහාය ලබා දෙන බවත්, ඇමති සුසුකි පවසා ඇත.
එහෙත් ගෝඨාභය රජයේ ආර්ථික ප්රතිපත්ති ගැන ඔහු සිය අප්රසාදය පල කර තිබේ.
ජපන් සැහැල්ලු දුම්රිය ව්යාපෘතියේ ඇස්තමේන්තුගත වියදම ඩොලර් මිලියන 1800ක් වන අතර ව්යාපෘතියට වැයවන පිරිවැය අධික යැයි තීරණය කළ ගෝඨාභය රාජපක්ෂ ජනාධිපතිගේ කැබිනට් මණ්ඩලය මෙම ව්යාපෘතිය එක රැයෙන් අවලංගු කළේය.
වත්මන් ජනාධිපති රනිල් වික්රමසිංහ මෑතක දී ජපානයේ කළ සංචාරයේ දී ව්යාපෘතිය නැවත ආරම්භ කිරීමට සලකා බලන ලෙස ජපන් රජයෙන් ඉල්ලා සිටියේය. – මව්බිම
