ප්රභාත් ජයසූරියගේ විශිෂ්ට පන්දු යැවීම හමුවේ අයර්ලන්ත කණ්ඩායම පළමු ඉනිමේ දී ලකුණු 143කට සියල්ලන්ම දැවී ගියේය.
අවසන් මොහොතේ කඩුළු රකින ක්රීඩක ලෝකන් ටකර් විසින් දියත් කළ හුදකලා සටන ඔහුගේ ලකුණු සංඛ්යාව 45ක දී ප්රභාත් ජයසූරිය විසින් නිමා කළේය. අයරලන්ත පළමු ඉනිමේ වැඩිම ලකුණු ලාභියා ඔහුය.
අයර්ලන්තය වෙනුවෙන් ආරම්භක පිතිකරු ජෙම්ස් මැක්කොලම් ලකුණු 35ක්, හැරී ටෙක්ටර් ලකුණු 34ක් ලැබීය.
ප්රභාත් ජයසූරිය ලකුණු 52කට කඩළු 07ක් දවාගෙන ආධුනික අයර්ලන්ත ඉනිම සුන් කළේය.
අසිත ප්රනාන්දු ලකුණු 38ට කඩුළු 02ක් සහ රමේෂ් මෙන්ඩිස් ලකුණු 40කට කඩුල්ලක් දවා ගත්තේය.
අයර්ලන්තය සිටියේ ශ්රී ලංකා කණ්ඩායමට වඩා ලකුණු 448ක් පිටුපසිනි. ඉනිමක පරාජයෙන් බේරීමටත් ලකුණු 448ක් අවශ්යය.
දෙවැනි ඉනිම සඳහා මේ වනවිට අයර්ලන්ත කණඩායම පිතිකරණය ආරම්භ කර තිබේ. මේ වනවිට අයර්ලන්ත කණ්ඩායම ලකුණු 32කට කඩුළු 04ක් දැවී ඉතාම අසීරු අඩියකය.
තරගයේ පන්දු ඕවර 13ක් ක්රියාත්මක වනවිට විශ්ව ප්රනාන්දු මෙතෙක් විශිෂ්ට පන්දු යැවීමක නිරතවෙමින් ලකුණු 3කට කඩුලු 02ක් ලබාගෙන ඇත. ප්රභාත් ජයසූරිය ලකුණු 19කට කඩුලු 02ක් ලබාගෙන තිබේ.
