රට 2018 වසරේ පැවති ආර්ථික මට්ටමට ගමන් කිරීමට වසර 2026 දක්වා කල් ගත වනු ඇති බවත් අපට ලෝකය හමුවට යා යුතුව ඇත්තේ බංකොලෙත් රටක් ලෙස බවත් අග්රාමාත්ය රනිල් වික්රමසිංහ අද (05) පාර්ලිමේන්තුවේදී ප්රකාශ කළේය.
මීට කලින් ශ්රි ලංකාව අවස්ථා ගණනාවක ජාත්යන්තර මූල්ය අරමුදල හමුවට ගොස් තිබුණත් මෙවර අපට ආධාර ඉල්ලන්නට යාමට සිදුව ඇත්තේ බංකොලොත් වූ රාජ්යයක් ලෙස බවද අගමැතිවරයා සඳහන් කළ අතර ඔහු මේ ප්රකාශය කරද්දී ජනාධිපති ගෝඨාභය රාජපක්ෂ ද ඔහුට ආසන්න අසුනේ පාර්ලිමේන්තුවේ රැඳී සිටියේය.
ජාත්යන්තර මූල්ය අරමුදලේ නියෝජිතයන් සමඟ කළ සාකච්ඡාවල ප්රගතිය පිළිබඳව බලාපොරොත්තු සහගත බවක් ඇතැයි ප්රකාශ කළ අගමැතිවරයා මෙවර මූල්ය අරමුදල සමඟ ඉදිරි විස්තීරණ ණය ආධාර සඳහා යා යුතු ගමන දුෂ්කර වංකගිරි ගමනක් බව ද පෙන්වා දුන්නේය. එහිදී තවදුරටත් අදහස් දක්වූ අගමැතිවරයා
“ ශ්රි ලංකාව ජාත්යන්තර මූල්ය අරමුදලට මීට කලින් ගොස් තිබුණත් මෙවර ශ්රි ලංකාව යන ගමන ඊට වඩා වෙනස්. තත්ත්වය බරපතලයි. අපි ඉස්සර ගියේ සංවර්ධනය වෙමින් පවත්නා රටක් හැටියට. දෙපාර්ශවයට අතර කතා බහකින් ආධාර ලබා ගැනීමට. එය එක් සරල රේඛාවක් දිගේ යනවා වගේ.
මෙවර අපි සාකච්ඡා සඳහා සහභාගී වන්නේ බංකොලොත් රටක් ලෙස. දුෂ්කර තත්ත්වකටය මුහුණ දෙන්න වෙනවා. එකඟත්වය අනුමැතිය ලබා ගන්න පුළුවන්. අපට සිද්ධ වෙනවා ණය තිරසාර භාවය ගැන සැලසුම් වාර්තාවක් ඉදිරිපත් කරන්න. ඔවුන් සෑහීමකට පත් වුණාම තමයි අපට මාණ්ඩලික එකඟතාවක් සඳහා ගිවිසුම් ගත වන්නට පුළුවන්.
ඒක වංකගිරියක යනව වගේ දුෂ්කර ගමනක්. කෙසේ වෙතත් අපට ඔවුන් සමඟ සාකච්ඡා ඵලදායී ලෙස අවසන් කිරීම සතුටට කරුණක්. ණය ප්රතිව්යූහගත කිරීම ණය තිරසාර භාවය සඳහා අප වැඩකරගෙන යනවා. මේ කටයුතු අවසන් වුණාම අගෝස්තු මාසයේ දී මාණ්ඩලික එකඟතාවට එන්න හැකි වේවි.
එම එකඟතාව සඳහා මූල්ය අරමුදලේ විධායක මණ්ඩලයට එකඟ වූ පසු වසර හතරක් සඳහා විස්තීරණ ණය ආධාර වැඩපිළිවෙළකට යාමට බලාපොරොත්තු වනවා. .
මේ එකඟතාව සමඟ ඉන්දියාව චීනය ජපානය වැනි අපට මිත්ර රටවල් එකතුව ආධාර සමුළුවක් සංවිධානය කිරීමට සාකච්ඡා කරනවා. ඔවුන්ගෙන් ණය ලබා ගත හැකි ක්රමවේදයක් සකසා ගැනීමට බලාපොරොත්තු වනවා. අපට සහන ලබා දුන් ඉන්දියාවටත් ගෝලීය අර්බුදය නිසා සහන සීමා කිරීමට සිදුව තිබෙනවා
අපේ මහ බැංකුවට අනුව රටේ ආර්ථික වර්ධන වේගය 2022 වසරේ – 4ත් -5ක්. අයි.එම් එෆ් පුරෝකථනය අනුව සෘණ 6ක් 7ත් අතර. අපේ රටේ ආදායම බිඳ වැටිලා. ඒ සමඟ අපට 2027 වනවිට ඩොලර් බිලියන 28ක් ණය පමණක් ගෙවන්න තිබෙනවා. මේ තමයි සැබෑ තත්ත්වය.
අපේ ජාතික ණය දළ දේශීය නිෂ්පාදිතයෙන් සියයට 140ක්. 2030 දී එය සියයට 95ක් කරන්න අප සැලසුම් සකස් කර තිබෙනවා. අපේ ආදායම දළ දේශීය නිෂ්පාදිතයෙන් 7.3ක්. එය 2026 සියයට 14ක් කරන්න සැලසුම් තිබෙනවා.
