-
වතු කම්කරුවන් කුඩා තේ වතු හිමියන් බවට පත් කරන්න සජිත්ගෙන් පොරොන්දුවක්…
සජිත් ප්රේමදාසවන තමා පරාජය කිරීමට අනුර කුමාර දිසානායක සහ රනිල් වික්රමසිංහ එකට එකතු වී ඩීල් දැම්මත් තමන්ට ඩීල් එක ඇත්තේ ලක්ෂ 220ක්වන ජනතාව සමග බව සජිත් ප්රේමදාස අද (14) යළිත් අවධාරණය කළේය.
ඔහු මේ බව පැවසුවේ අද බණ්ඩාරවෙල පැවති සමගි ජන බලවේගයේ ජන රැළියක් අමතමිනි.
“රනිල් වික්රමසිංහ සහ අනුර කුමාර දිසානායක සන්ධානයට රට භාර දෙනව ද, එසේ නොමැතිනම් රට දියුණු කරන රට දිනවන පොදු ජන ගමනට දුරකථනය ජයග්රහණය කරවනව ද කියන තින්දුව අද ඔබ ඉදිරියේ තිබෙනවා.”
“අද රනිල් වික්රමසිංහ අනුර කුමාර දිසානායක ලොකු ඩීල් එකක් දාලා. ඒ ඩීල් එක තමයි සජිත් ප්රේමදාස පරදවන ඩීල් එක.”
“රනිල් වික්රමසිංහ, අනුර කුමාර දිසානායක දේශපාලන ජෝඩුවට ඕන තරම් ඩීල් දාගන්න. මගේ ඩීල් එක තියෙන්නේ රටේ ලක්ෂ 220ක් ජනතාව සෞභාග්ය සම්පන්න කිරීමයි කියන එක මම මේ අවස්ථාවේ කියන්න කැමතියි.”
මෙහිදී වතු කම්කරුවන් කුඩා තේ වතු හිමිකරුවන් බවට පත් කරන බවටත්, කිලෝ පනහේ පොර මිටිය රුපියල් පන්දහසට ලබා දෙන බවත්, වගාවේ අස්වැන්නට ස්ථාවර මිලක් ලබා දෙන බවත්, සුහුරු කෘෂිකර්මාන්තයට අනිවාර්යයෙන් යොමු වන බවත්, රණසිංහ ප්රේමදාස ආරම්භ කළ නිශ්පාදන කර්මාන්ත යුගය ආරම්භ කරන බවත් සජිත් ප්රේමදාස දිවුරා පොරොන්දු වුනේය.
තවද දිස්ත්රික් 25ට ජනාධිපති කාර්ය සාධන බලකායන් 25ක් පිහිටුවන බවත් පන්ති ජාති පක්ෂ භේදයකින් තොරව රට සුඛිත මුඛිත කිරීමේ වගකීමට ප්රේමදාසගේ පුතා වගකියනා බවත් සජිත් ප්රේමදාස පැවසුවේය.
