ශ්රියානි විජේසිංහ –
අනුරාධපුර පූජා භූමිය අවට දරලිප් දැල්වීම සපුරා තහනම් බව මහජන සෞඛ්ය පරික්ෂකවරුන්ගේ සංගමය සඳහන් කරයි.
පොසොන් සතිය තුළ අනුරාධපුරයට පැමිණෙන බැතිමතුන් ඇතැම් අවස්ථාවන්වලදී පූජා භූමිය අවට ආහාර පිසීම සිදුකරන බවත් ඇතැම් අවස්ථාවන් වලදී පෞරාණික වටිනාකමින් යුතු ගල් භාවිත කර ලිප සකස් කර ඇති බවට සාක්ෂි තිබෙන බවත් සංගමයේ ලේකම් චමිල් මුතුකුඩ පැවසුවේය.
බැතිමතුන් මෙන්ම ඇතැම් දන්සැල් සංවිධායකයින් පවා පූජා භූමිය අවට දරලිප් දැල්වීමට කටයුතු කර ඇති බවට තොරතුරු ලැබි ඇතැයි ඔහු කීවේය.
තවද මේ දිනවල වසංගත රෝග ගණනාවක්ම රටපුරා පැතිර යන බැවින් දන්සැල්වලට පැමිණෙන බැතිමතුන් හැකි පමණ මුව ආවරණයක් පැළදීමටත් දන්සැල්වල ආහාර සපයන්නන් මුව ආවරණ මෙන්ම අත්වැසුම්ද පැළදීම වඩාත් යෝග්ය බැවින් මෙවැනි සෞඛ්ය ආරක්ෂිත ක්රම අනුගමනය කිරිම මගින් බෝවන රෝගයන්ගෙන් ආරක්ෂා වීමට ස්වයං පාලනයක් ඇති කරගන්නා ලෙස ලේකම්වරයා ඉල්ලීමක් කරයි.
