දිනසේන රතුගමගේ
උතුරු මුහුදු සීමාවට අනවසරයෙන් පැමිණි ඉන්දීය ධීවරයින්ගේ යාත්රාවල තිබූ විවිධ භාණ්ඩ යාපනය ධීවර හා ජලජ සම්පත් දෙපාර්තමේන්තුව විසින් පසුගියදා ප්රසිද්ධියේ වෙන්දේසි කරනු ලැබිණි.
මෙම භාණ්ඩ අතර ගෑස් සිලින්ඩර, ගෑස් උදුන් දුරකථන හා දුරකථන ආරෝපණ යන්ත්ර සහ බැටරි තිබූ අතර ඒවා කාලයක් තිස්සේ යාපනය ධීවර හා ජලජ සම්පත් දෙපාර්තමේන්තුව විසින් ආරක්ෂා කරන ලදී.
ඉන්දීය ධීවරයින් පැමිණි යාත්රා මේ වන විට නාවික හමුදාව භාරයේ ඇති අතර ඒ සම්බන්ධයෙන් වූ නඩු කටයුතු අවසන් වූ වහාම එම යාත්රාද ප්රසිද්ධ වෙන්දේසියේ විකිණීමට නියමිතය.
ඉන්දීය ධීවර බෝට්ටු වල තිබී වෙන්දේසියට එක් කළ භාණ්ඩ මිලට ගැනීම පිණිස දිවයිනේ බොහෝ පළාත් වල සිට විශාල පිරිසක් යාපනයට පැමිණ සිටියහ.
එම භාණ්ඩ වෙන්දේසියේ විකිණීමෙන් රුපියල් ලක්ෂ විස්සක පමණ මුදලක් උපයා ගැනීමට හැකි වී තිබේ.
මේ අතර රාමේෂ්වරන් එක්සත් ධීවර සංගමය ශ්රි ලංකා රජයෙන් ඉල්ලීමක් කරමින් ප්රකාශ කොට තිබුණේ එම භණ්ඩ හා ධීවර බෝට්ටු වෙන්දේසියේ විකිණීමෙන් ලැබෙන ආදායමෙන් යම් කොටසක් ඒවා අයිති ඉන්දීය ධීවරයින්ටද ලබා දීමට පියවර ගන්නා ලෙසයි. නමුත් එම ඉල්ලීම මෙතෙක් ඉටු වී නොමැත
