පොලිස්පති දේශබන්දු තෙන්නකෝන් අධිකරණයට අපහාසයක් කර ඇතැයි මාතර මහේස්ත්රාත් අරුණ බුද්ධදාස අද (25) තීන්දු කළේය.
මහේස්ත්රාත්වරයා මෙම ලබා දුන්නේ කුප්රකට W15 අපරාධයට දින 21ක් රක්ෂිත බන්ධනාගාරතව සිටි දේශබන්දු තෙන්නකෝන් ඇප ලබාගෙන අධිකරණ නියෝග නොතකා සිය රථය අධිකරණ භූමියට ඇතුළු කර එහි නැගී පිටවී යෑම සම්බන්ධව නීතිපතිවරයා ගොනු කළ කරුණු අධ්යයනය කිරීමෙනි.
මාතර පැලෑන W15 හෝටලයේ වෙඩි තැබීමේ සිද්ධියට අදාලව දේශබන්දු තෙන්නකෝන් දින 21ක් රක්ෂිත බන්ධනාගාරගතව සිට පසුගිය අප්රේල් 15 වැනිදා ඇප පිට නිදහස් වුනේය.
ඒ අවස්ථාවේ දේශබන්දු තෙන්නකෝන්ගේ නිතිඥවරු අධිකරණ භූමියට ඔහු ගේ රථය ගෙන්වාගෙන ගමන් කිරීමට කළ ඉල්ලීම මහේස්ත්රාත් අරුණ බුද්ධදාස විසින් ප්රතික්ෂේප කළේය.
එහෙත් එම නියෝගය නොතැකු දේශබන්දු සිය රථය අධිකරණ භූමියට ගෙන්වා ගත්තේය. අනතුරුව එහි නැගී පිටවී ගියේය.
මේ සම්බන්ධව නීතිපතිවරයා අධිකරණය හමුවේ කරුණු ගොනු කර තිබිණි.
දේශබන්දු අධිකරණයට අපහාස කළ බව තීරණය කළ මාතර මහේස්ත්රාත් අරුණ බුද්ධදාස මේ සම්බන්ධව කටයුතු කිරීමට තම අධිකරණයට නෛතික බලයක් නොමැති බව අවධාරණය කළේය.
ඒ සම්බන්ධව අභියාචනාධිකරණය ඉදිරියේ දේශබන්දුට එරෙහිව නඩු ගොනු කිරීමට කටයුතු කරන්නැයි මහේස්ත්රාත්වරයා නීතිපතිවරයාට නියෝග කළේය.
